Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 10   July/August 2005

Misra-e-Tarah: yeh namoonah hai miree bigRee huyee taqdeer kaa Rank Poet Pts. Location 1 Tanwiruddin Ahmad Phool 86 Karachi, Sind, Pakistan 2 Fazal-ur Rehman Khan Anjum Shadani 84 Karachi, Sind, Pakistan 3 Ateeq Khan Saba 82 Shahjahanpur, Uttar Pradesh, India 4 Amjad Nabeel 80 Doha, Qatar, Qatar 5 Muhammad Munir Qasim 78 Peshawar, Nwfp, Pakistan 6 Zia Baloch Zia 76 Karachi, Sindh, Pakistan 7 Muhammad Aslam Fareedi 74 Karachi, Sindh, Pakistan 7 Ali Mohsin Moon 74 Karachi, Sindh, Pakistan 9 Yasir Farooq Yasir 70 Karachi, Sindh, Pakistan 10 Sara Jabeen 68 Shiloh, Illinois, Us 10 Mohammad Hidayatulla Fahmi 68 Anantapur, Andhra Pradesh, India 10 Khalid Saifullah Raaz 68 Quetta, Balochistan, Pakistan 13 Jhony Penta Tashna Ahmedabadi 66 Kinshasa, Kin, Democratic Republic Of Congo 13 Sajid Hashmi Sajid 66 Rajgarh(biaora)m.p., M.p., India 15 Muhammad Irfan 60 Gujranwala, Punjab, Pakistan

#1 — Tanwiruddin Ahmad Phool Click above for audio (MP3 format) rah geya paansa palat kar har nai tadbeer ka yeh karishma hai meri bigri hui taqdeer ka so raha hai aaj munsif jaae faryaadi kahaan? kuchh bataao keya hai masraf adl ki zanjeer ka! khaak se paidaa hui hain yun to saare aadmi wasf-e-taqva hai sabab insaan ki toqeer ka bhool bathi naam ranjhe ka hamaari nasl-e-no kaun ab hai sunne waala daastaan-e-heer ka! jane keya neeat hai is ki? aa rahaa hai keyun qareen? dekh kar sayyad ko dharka hai dil nakhcheer ka maajra dil ka zabaan par naa-mukammal hi raha kuchh taghaaful aap ka baais hooa taakheer ka hai khajil bijli muqaabil us but-e-tannaaz kay raam karna shokh ko laana hai joo-e-sheer ka! yoon to guzre hain sukhanvar is jahaan mein aur bhi hai magar rang-e-sukhan sab se niraala meer ka raushni hi raushni aur zeest ki sargarmiyaan kaarnaama hai jahaan mein mehr ki tanveer ka aag seene mein lagi hai bujh naheen sakti hai phool! dil nishaana ban geya us ki nazar kay teer ka!

  Back to top

#2 — Fazal-ur Rehman Khan Anjum Shadani khalq aai hay tamasha dekhnay nakhcher ka bol-bala ho raha hay aaj un kay teer ka choot kay zindan' say qaim hain whi pabandian sath lay aay khusi main silsila zanjeer ka aaj agar guzra tu phir kal ki khabar kuch bhi nahi parh nahi sakta koi likha hoa taqdeer ka aadmi kaisay karay tazeen'ay aiwan'ay hayat sekroon takhreeb kay pehlo hain, ik taameer ka apni surat dekh leejiay aakay meray samany meri aankhain aaina hain aap ki tasweer ka maangta hon jab bhi main tark'ay mohabbat ki dua mujhko milta hi nahi ik hrf bhi taaseer ka perahn kion fasl'ay gul hi main hoa karta chaak dhondiay yeah raaz anjum ishq'ay damangir ka

  Back to top

#3 — Ateeq Khan Saba hausla jin mein nahin hota kisi tadbeer ka baith jate hain bharosa kar ke woh taqdeer ka toota yun rishta duaaon se meri taaseer ka mere khwabon ne na dekha munh kabhi taabeer ka jis ko bhi apna banaata hun woh deta hai dagha ? yeh karishma hai meri bigri hui taqdeer ka ? dosti, ikhlaas -o- ulfat ki fazayen ab kahaan aaj mausim hai faqat bandooq ka, shamsheer ka sangdil hote hain kitne phool se nazuk haseen doosra rukh aapne dekha kahaan tasveer ka bus wohi ahl-e? hunar duniya mein pahchane gaye jin ke fun ko mil gaya mauqa koii tashheer ka kho diya bhaaii ko gar main ne to kya ghum ae saba bun gaya maalik to tanha baap ki jaageer ka

  Back to top

#4 — Amjad Nabeel jurm koi bhi nahin aur silsila taa'zeer ka "ye namoona hai miree bigree hui taqdeer ka khwaab maine jab sunaaya vasl ka kehne lage haan acar hota hai ultaa khwaab ki taa'beer ka daur-e-haazir ke naye shaa'ir ko yaarab kar ataa zehn ghaalib ka, jigar iqbal ka, dil meer ka aaj tak tum ko javaan rakhaa hai her ik she'r mein hai kamaal is mein hamaari shokhi-e-tehreer ka jhonpari mein rehne vaalon ka khayaal aane laga jab iraada kar liaa ik qasr ki taa'meer ka kis qadar mohtaat ham ko kar dia hai ishq ne her gharee hai khauf taaree ik nayee taqseer ka kaatib-e-taqdeer se hotaa nahin sehv-e-qalam gham milaa jo bhi hamen voh sehv tha tadbeer ka kis qadar aasaan hai us ko chaahate rehna nabeel lab pe ik harf-e-vafaa , laana hai joo-e-sheer ka

  Back to top

#5 — Muhammad Munir Qasim ho gia usko manana kaar joo-e-sheer ka kia hamaray darmiyaan hay mas'ala kashmeer kar? amr-e-kun say ab talak hasti hay sargarm-e-safar paay gardoon per bana hay aabla tanveer ka likh kay qaid-e-zindgi uss nay qalam rakha naheen sahv-e-aadam ko likha moujab mayri ta'zeer ka chaa chuka hay khawraan per abr-e-tehzeeb-e-frang chup gia sooraj meray aslaaf ki tauqeer ka jab naheen insaaf milta shah kay darbaar main kuch na kuch maqsad tu hay aakhir wahaan zanjeer ka chaak dil hay teer bhi, sadmay say dohri hay kamaan dast-e-zaalim main hoa qabza bhi shaq shamsheer ka kia kahoon "qasim" keh haq mannat kash-e-baatal hay aaj "yeh namoonah hay meri bigri hoi taqdeer ka"

  Back to top

#6 — Zia Baloch Zia mu'jiazah ik yeh bhi hogaa i'shq kee takbeer kaa aek ik halqah pukaaregaa miree zanjeer kaa ! ab tamaashaa khoob hogaa jalwah-gaah-e-husn main ab naz^aaraa ham bhi dekhenge tiree shamsheer kaa ! yeh tiree zulfon ki uljhan jo sulajhtee hee nahin "yeh namoonah hai miree bigree huyee taqdeer kaa" thak chhuke ham , waqt ko bhi aazmaa kar thak chhuke zakhm bhartaa hee magar kab hai, naz^ar ke teer kaa u'mr saaree kat gayee aaraai'sh-e-kaakul kiye raaz ab jaa kar khulaa hai gardish-e-taqdeer kaa ! safha-e-dil par likhon , khoon-e-jigar se main use haq adaa hogaa nahin tab bhee kalaam-e-meer kaa ! jaantaa hon waqt dhaayegaa mire ghar ko :zia: kyaa kiyaa jaaye magar is jazbah-e-taa'meer kaa

  Back to top

#7 — Muhammad Aslam Fareedi namaber keya haal toonay kar dia tahreer ka shaam say utra hai chehra aashiq-e-dilgeer ka. aye meray allaah koee maslehat hogi zaroor is liay makhfi hai abtak aaeina taqdeer ka. khab abtak to koee dekhay na aankhon ne kabhi kaisay mumkin hai ke inko ilm ho taabeer ka. too giraani ka kaheen bhi tazkira karta naheen rung phikaa hi rahega teri her taqreer ka. uski nazron ka ye ehsaan dil abhi bhoola naheen phool ban kar khil raha hai zakhm jiskay teer ka. kaisay karloon zindagi ka itna mushkil faislaa aik rukh dekha hai mainay jab teri taswweer ka. phir rahay hain bersar-e-bazar ye ahl-e-junu jab qafas koee naheen phir zikr keya zanjeer ka. unkay aanay ki tawaqqo hai ajal rukjaa zara dekhnaa hai rung apni aah ki taaseer ka. aye fareeedi jo moyassar hai usi per shuker kar too mita saktaa naheen likhha hua taqdeer ka.

  Back to top

#7 — Ali Mohsin Moon kya zaroori hai mohabbat main amal tafseer ka jabke nuqtay main samandar aagaya taqreer ka zindagi woh rukh hai jisko dekh kar jee bhar gaya doosra rukh dekhne jayen kahan tasweer ka qabr boseedah pari hai ab usi maymaar ki yeh silah paaya hai usne qasr ki taameer ka dekh kar qatil nazar se usne abroo kham kiye teer ko rokoon ke dekhoon waar main shamsheer ka aaj bhi unwaa'n wohi hain mere khat ka dosto'n jo kabhi samjhay nahin matlab meri tehreer ka jin ki taqdeerain bana dee'n qom ki khairaat ne faisla woh karrahay hain qom ki taqdeer ka teri aankho'n main jo dekha dil hi hum se phir gaya ab koi apna nahin is aashiq e dilgeer ka khuwaab main to aarahay hain muddato'n se woh magar waqt ne chehra na dikhlaaya kabhi taabeer ka kya zamaana aagaya hai uth gayee hain chahatei'n naam rishto'n ko diya hai paoon ki zanjeer ka keh gaye kya kya woh ghazlai'n hum kahain gay kya ae moon bas ghazal kehna to haq ghalib ka tha ya meer ka

  Back to top

#9 — Yasir Farooq Yasir poochte ho tum sabab ik be-sabab taazeer kaa is tarah kiya dil barhaya jata hai dilgeer kaa? aik aalam hai diwana dil-ruba taqreer kaa poora hona youn kisi ki kha?hish-e-tauqeer kaa maaf kerna , bhool jana , loogon ki aadat nahien hai khata ik aur kerna , maan?na taqseer kaa ho gaya shehr-e-khamooshan door tak aabad aaj khoub tha wa?da tumhara shehr ki taameer kaa manzil-e-maqsood ko hi bhool betha kaarwan tazkira itna ba?rha hai kaarwaan ke meer kaa ne?matoon ka az?dihaam aur ye mera shoor-e-gilah ye namoona hai meri bigri hoi taqdeer kaa dil-qalam se likh diya yasir ne jo kuch likh saka ab sawaal allah se mujh ko hai bas taaseer kaa

  Back to top

#10 — Sara Jabeen waaqiaah hai ye kisi badbakht kii taqdeer kaa subhdam her samt thaa ik silsilah zanjeer kaa ik rupaihli surkh jora jou nah zeyb-e-tan houaa "yeh namoonah hai miree bigree huyee taqdeer kaa" yeh hina ka rung jou haathon se utra bhi na tha par gaya madham suna jab khwaab ki ta'abeer kaa goonj mein shahnaiyon ki aah dab ker rah gayi bebasi rukh per thii aur aks aankhaon mein tasveer kaa chunchunaati chooriyon ke toot'ne kaa shour hei jaise zindaan mein kisi ke paaun kii zanjeer kaa chashm tar thi kaanpte haathon se jab kholi voh khat chaayii zulmat, lafz her ik mit gaya tehreer kaa hougayaa saara kaa daaman tar bahe jab ashk-e-gham dekhiye anjaam kyaa hou aah kii t'aceer kaa.

  Back to top

#10 — Mohammad Hidayatulla Fahmi muntazir hai aashiq-e-bismil nazar ke theer ka gam nahin ab zindaga ka, qaid ka, zanjeer ka juz tabassum, koi marham zaqm bhar sakthaa nahin de gayeen thirchee nigaahen zaqm-e-dil shamsheer ka yeh jabeen, abroo, ye aankhen, yeh lab-o-rukhsaar-o-zulf rukh hai yaa moojib khudaayee ke kisee tash'heer ka bas ye hasrat thee ke dekhon aankh bhar kar ik nazar aankh bhar aayee jo dekha hashr har tadbeer ka be sabab mujh ko nikaala theri mehfil se sadaa kab mujhe thaa ikh'tiyaar aye chaaragar thaqseer ka ik taraf hai husn-e-jannath, aur udhar deedaar-e-yaar deedaye hairaan khadaa hun buth bana tasweer ka jaan se nazdeek hai lekin nazar se door thar " ye namoona hai meree bigdee huyee taqdeer ka" khwaab thaa khatraa samandar men giraa, zam ho gayaa main azal se muntazir hun, khwaab ki taabeer ka kaun jaane kab khafaa ho, khush ho kab kis baath par us ko khush rakhnaa hai "fahmi" kaam jooy-e-sheer ka

  Back to top

#10 — Khalid Saifullah Raaz khwab men jab se lia bosa tiree tasweer ka!!!! ik junoon taari hai mujh per khwab ki tabir ka war jab ulta pare insan per tadbeer ka!!!!!!!! tab samajh aata hai uss ko falsifa taqdeer ka! qehkahe uss shokh ke jaise kissi naghme ki dhun ya koi jherna rawan ho wadi-e-kashmir ka!!!!!!! chandd gird aalood naqshe teh ba teh mehroomian yeh raha anjaam meri hasrate tamir ka!!!!!!!!!! abb waqoofe shaoq ki fursat na zaoqe aagahee!!! yeh namoona hai meri bigri hui taqdeer ka!!!!!! silsilae irtakabe jurm ruk sakta nahee!!!!!!!!! adl jab tak muntazir hai junbashe zanjeer ka !! sheikh ka joshe khitabat dekh ker aisa lage!!!! waaz fermane ke peeche shaoq hai taqreer ka!!!! "raaz" uss teekhi nazar ki zadd men aana hosh se kab uter jai jiger men kia bharosa teer ka!!!!!

  Back to top

#13 — Jhony Penta Tashna Ahmedabadi rang kaise ho gayaa hai, zard ye tasveer kaa sabz they jab khwaab saare, surkh kyon taabeer kaa khud hii apane fael se kar ke kharaabi, kehte hain ye namoonaah hai merii bigree huyee taqdeer kaa aap ki aakhon se hii jab ho gayi binaai gum dundhte ho nuks kyon phir chaand ki tanveer kaa dil bharaa hai bugz se jab, kisb hii se kibr se phir kyaa matlab hai tere aheraam ki taqbeer kaa hai salaaton, saum o haj baaqi jo ab tak daher men ay musalmaan hai ye ehsaan din par shabbeer kaa mareqaa sar ho gayaa har eak kalam ki nauk se kaam kyaa baaqi bachaa hai ye kaho shamsheer kaa eak guzaarish kar rahaa hai aaj 'tashna' aap se yun tamaashaa naa banaao tum meri tehreer kaa

  Back to top

#13 — Sajid Hashmi Sajid eik pehloo aur khwab-e-ishq ki tabeer ka dil diwana hai tumhaari khushrawee tasveer ka dekh lene se tar-o-taaza hue hein zehn-o-dil naam kya rakhkhoon tumhari jaaduee taseer ka wo mere khwabon me aaye muskuraae chal diye mein to takta reh gaya houn rasta dilgeer ka sirf nazron se kiya ghayal mera poora wajood kaam kerti hai tumhaari aankh bhi shasheer ka youn giraftari huee ke phir rihaa na ho saka mein to qayal ho gaya houn zulf ki zanjeer ka shayerana pyaar se toote hue dil jorh do kaam lo sajid ghazal se mulk ki tameer ka husn pe likhta houn mein ashaar sajid isliyen rang khul jata hai meri ghazaliya tehreer ka

  Back to top

#15 — Muhammad Irfan kya sila dil ko milaa dil mei teree tasveer kaa naqsh-e-faryadee hai teree zulf kee zanjeer kaa zindagee aur maut kay maabain ashiq ka hizr ghoomta phirta hai ghayal khawab kee shamsheer kaa aap nay chorha anaa kee dhajyon kee raah mei hissa yeh milnaa thaa mujh ko pyaar kee jaageer kaa yeh hai taqaza chah ka, kay aap muskaatay nahee aur gungunaatay hum bhee hain qissa gham-e-dilgeer kaa yeh maan kyun laitay nahee,wo cheez jo apnee nahee daaman nahee kyun choott'ta mujh say teree taabeer kaa jaanay lago jis pal bhee tum, aankhain na apnee kholna na waar seh paaey gaa dil, ek uss nazar kay teer kaa na hee kaheen alfaaz hain, na warq rang alood hai yeh namoona hai meree bigrhee huee taqdeer kaa

  Back to top

Previous Winners

Copyright © 1998-2007. Mehfil-e-Mushaira. All rights reserved.