Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 11   September/October

Misra-e-Tarah: tum zabaaN se apnee keh do ge to kyaa ho jaaYe gaa? Rank Poet Pts. Location 1 Sajjad Sukhan 90 Karachi, Sindh, Pakistan 2 Muhammad Aslam Fareedi 88 Karachi, Sindh, Pakistan 3 Ateeq Khan Saba 86 Shahjahanpur, Uttar Pradesh, India 4 Tanwiruddin Ahmad Phool 84 Karachi, Sindh, Pakistan 5 Mohammad Hidayatulla Fahmi 82 Anantapur, Andhra Pradesh, India 5 Yasir Farooq Yasir 82 Karachi, Sindh, Pakistan 7 Wali Alam 80 Karachi, Sindh, Pakistan 8 Muhammad Ahmed Ahmed 78 Karachi, Sindh, Pakistan 9 Sajid Hashmi Sajid 76 Rajgarh(biaora)m.p., M.p., India 10 Jafar Sayad Jafar Cholasi 74 Cholas D. Noida, Uttar Pardesh (u.p.), India 11 Faizan Masood Faiz 70 Islamabad, Federal Capital, Pakistan 12 A.h. Khan Hawa 66 Shahjahanpur, Uttar Pradesh, India 13 Ainulhaq Wataee 58 Karachi, Sindh, Pakistan 14 Jhony Penta Tashna Ahmedabadi 50 Kinshasa, Kin, Democratic Republic Of Congo

#1 — Sajjad Sukhan jiska dil waabasta-e- sabr-o-raza hojayega baynayaz-e-gardish-e- subh-o- masa hojayega ik uchat-ti si nazar bas ek tabassum ki kiran aapka kia jaaeyga mera bhala hojayega phool sa chehra yah mast aankhain yah paikar yah shabab ek main kia jo bhi dekhayga fida hojayega shiddat-e-jazbaat zarray ko banaday aaftaab ishq hojaaye to path-thar bhi khuda hojayega kooy-e-qaatil main anal-aashiq ka naera-zun ho main jaan to jaayegi wafa ka huq adaa hojaayega dil main kia hai sirf aankho ki gawahi chahiyah aap k kahnay meray sunnnay say kia hojayega aatay aatay aayega tumsay bicharnay par qaraar hotay hotay dil mera ghum aashna hojaayega dast-e-qudrat nai tarashay hain tumharay khad-o-khaal jiskai hojaogay tum oska khuda hojaayega sainkron dil hain hadaff bannay ko kabsay muntazirr aapka teer-e-nazar kaisay khata hojaayega baiwafaai par mubarakbaad daini hai tumhain jab kabhi mera tumhara saamna hojaayega yonhi hanss hanss kar muhabbat say agar dekha kiyah ik sukhan kia saara aalam aapka hojaayega

  Back to top

#2 — Muhammad Aslam Fareedi keya pata tumko ke lub khulnay say keya hoja-e-ga dil pa jo guzri hai abtak wo gila hoja-e-ga. teray paikar ki sabahat jab bani unwan-e-fikr keya pata tha ye kheyal ek aaina hoja-e-ga. phir wohi shab ki khamoshi phir wo yadon ka hajoom aisa lagta hai ke dil phir ek diya hoja-e-ga. jisnay aadab-e-jonu seekha hai wo ye jaanlay ishq to phir ishq hai zanjeer-e-pa hoja-e-ga. unki aankhon me hain posheeda bahut say mojezay aik jumbish me najaanay keya say keya hoja-e-ga. karwatain kuch istarah badleen zamin-e-pak nay keya khaber thi pal me ek mahshar bapa hoja-e-ga. wo nishani-e-manzil-e-taaza abhi baqi to hai teray waqton ki yahi aawaz-e-pa hoja-e-ga. hum qafas hi me manatay hain agar jashn-e-bahar phool kay khilnay ka mosam be-maza hoja-e-ga. anjuman dar anjuman gunjay gi teri sha-e-ri aiy fareedi too mohabbat ki sadaa hoja-e-ga.

  Back to top

#3 — Ateeq Khan Saba mujh pe gar lutf-o-karam unka zara ho jayega ghair kya har dost bhi mujh se khafa ho jayega tum nahin aye agar to aur kya ho jayega ek mareez-e-ishq bas nazr-e-qaza ho jayega usko bhi lagne lagi hai is zamane ki hawa mujhko andesha hai woh bhi be-wafa ho jayega jab nigahen kah rahi hain pyar ki ek dastaan "tum zaban se apni kah do ge to kya ho jayega" ab khuda ke waste mat haal mera poochhna mundamil zakhm-e-jigar phir se hara ho jayega kaun phir usko bacha sakta hai lutne se "saba" raahzan hi jab ameer - e -qafla ho jayega

  Back to top

#4 — Tanwiruddin Ahmad Phool gar karam rab ka na ho to kia se kia ho jaae ga! bar zameen-o-aasmaan mahshar bapa ho jaae ga! kaargaah-e-dahr mein kia tujh ko yeh ehsaas hai? zeest ka lamha samand-e-baad-e-pa ho jaae ga! woh adaalat jab lage gi hashr kay maidaan mein sar nigoon us din har ik jhoota khuda ho jaae ga yaad aajaae ga har zeerooh ko ahd-e-alast zehn mein taaza jo paimaan-e-bala ho jaae ga! tu agar khud beeni mein ho ga musalsal mubtala soch ka andaaz tairi yak rukha ho jaae ga! aae but-e-tannaz aashiq ko na de itna faraib tairi ayyari ka charcha ja-ba-ja ho jaae ga! woh sitamgar ham se husn-e-khulq ka talib hai phool! aaina us ko dikhaya to khafa ho jaae ga!

  Back to top

#5 — Mohammad Hidayatulla Fahmi muskuraa kar yun na dekho haadisaa ho jayegaa haasidon ke shehr men meh'shar bapaa ho jayegaa tum agar nazren jhukaalo zindagee ban jaayegi warna har zakh'm-e-thamanna phir haraa ho jayegaa zindagi bhar jis ki har khwahish pe mar mar ke jiye kyaa pathaa tha ek din woh be wafaa ho jayegaa chat pe kawwe ki sadaa shaayad ab aayegaa jawaab ek pal men zindagi ka faislaa ho jayegaa khaamushi jaan-e-hayaa iqraar samjhenge magar "tum zabaan se apni keh do ge to kyaa ho jayegaa" zakhm par yun to chidaktee hai namak dunyaa magar gham tumhaari muskuraahat se sivaa ho jayegaa tum nazar mat pher lena ras'm-o-reh rakhnaa ravaa do dilon ke darmiyaan ek raasta ho jayegaa qatl kar daale kayee aashiq jo fahmi woh haseen chand sajdon ke iwaz kya paarsaa ho jaayegaa

  Back to top

#5 — Yasir Farooq Yasir kiya mere kehne se us ka dil baraa ho jaaye gaa? bus yahi ho ga keh kuch aur faslaa ho jaaye gaa hum khata-karoon ke under hasratoon ka dasht hai dil main jab aansoo girain ge dil haraa ho jaaye gaa wos?at-e-aflaak main saamaan-e-sermasti hai ghum zouq-e-nazzara ataleeq-e-wafaa ho jaaye gaa pur-aqeedat raastoon main aql ghum ho jaaye gi aaj ka muhtaaj kal hajat-rawaa ho jaaye gaa dhul to jaaye ga mager nazroon main jach?ne se raha daagh perte perte daaman bad-numaa ho jaaye gaa kiya zarori hai koi apni zabaan se bhi kahe shukriya mamnoon aankhoon se adaa ho jaaye gaa her kisi se teri hi batain kare ga subh-o-shaam dekh le ga jo tujhe rangeen- nawaa ho jaaye gaa aey sitaroon ! pooch?ta hoon tum se khaliq ka pata tum zabaan se apni keh do ge to kiya ho jaaye gaa? zil?ziloon ko qudrati aafat ager kehte rahe ibratoon ki qatl-ghah , ibrat-kada ho jaaye gaa ehtiyaat ach?chi hai yasir arz-e-haal-e-dil ke waqt hum kahain ge haal apna aur gilaa ho jaaye gaa

  Back to top

#7 — Wali Alam yeh na socha tha keh dushman jaan ka ho jaey ga daikhtay hee daikhtay woh dilruba ho jaey ga muskura kay daikh lain pa jaoon ga gham say nijat aap ka bigray ga kia mera bhala ho jaey ga ho na ho aanay laga qatil adaee ka shaoor daikh laina kal woh zalim kia say kia ho jaey ga badbaan uthtay hi kashtee par qayamat aa gaee na khuda tha yeh khabar kab thee khuda ho jaey ga tarjumani dil ki kar daitee tou hain aankhain magar "tum zuban say apni keh do gay tou kia ho jaey ga" toot kar kia chahna woh samnay aata naheen is tarha tou woh but-e-kafir khuda ho jaey ga hamsafar ho roshni tou phailtee ha roshni yoon guzar jain tou roshan rasta ho jaey ga jada-e-manzil hi manzil ha adab ki dosto ahl-e-fan aatay rahain gay qafla ho jaey ga

  Back to top

#8 — Muhammad Ahmed Ahmed rutt gulabon ki khafa ho bhi to kia ho jaay ga main tumhen sochoon ga sehra bhi hara ho jaay ga raaste main shaam ho jaay to koi gham naheen chandni tera tassa?vur , dil dia ho jaay ga dil ke mosim ho rahay hain ab tamaazat aashna taai?r-e-shehr-e-baharaan phir juda ho jaay ga chashm-e-tar main bhar ke shikve hum falak dekha kiaay kya khabar thee aasmaan hum se khafa ho jaay ga hanstay hanstay sun raha tha qissa-e-gham wo mira main ne socha hi na thaa wo gham zada ho jaay ga meray ghar bhi aay ga wo baad meray qatl ke dast-e-qatil dekhna dast-e-du?aa ho jaay ga haan meri roshan khayli wo ehad bhi laay gi zulmaton ko aik jugnu bhi siva ho jaay ga konpalain khilnay lagain gi phir khizaan mosim main bhi jab dil-e-vehshi mohabbat aashna ho jaay ga dhoop hiddat se pareshaan hogi her mauj-e-hawa per wo jhonka jo ussay chhoo lay saba ho jaay ga phir koi tishna tammanna dil main ho mumkin naheen meray rab se jab mira rabt-e-dua ho jaay ga phir se unki sab khataain meray sar ho jaain gi phir jahaan be-aib ho ga , paarsa ho jaay ga

  Back to top

#9 — Sajid Hashmi Sajid bewafa jis roz se ehl-e-wafa ho jayega zindagee ka lamha lamha khushnuma ho jayega janta houn chahte ho pyar karte ho mager tum zaban se apni keh doge to kya ho jayega khair makdam ko chalee aaegi manzil aap hee tere qadmon ka nishan hee rehnuma ho jayega apni baaton me zara sheereen latafat ghol do aap se jo bhi milega aapka ho jayega kya khaber thi her basher rakhkhega patther hath mein aadami ek doosre ka aaeena ho jayega honsla rakh ker barhaao to sahee apna qadam behte dariya me bhi yaaron rasta ho jayega jab kabhi ikhlaas se sajid karoge shayeri pyar ka jazba tumhaara kafiya ho jayega

  Back to top

#10 — Jafar Sayad Jafar Cholasi hoslon kaa mere tufan ko pata ho jayega jab hawaa ki zad pe roshan ik diya ho jayega apni hajat or zaroorat ko khuda ke saamne tum zabaan se apni kehdoge to keya ho jayega afaton se tang akar rabita kiun tod do us se shikwa hi karo harf-e-dua ho jayega kaar-e-firauni pe gar naazan hai tu meer-e-sheher ashk-e-muflis dekhna zarb-e-asaa ho jayega hur kahegi saari duniya nusrat-e-mazloom se zulm karke daikh tu bhi hurmala ho jayega dil se dard-e-ishq jis din bhi juda ho jayega meri saanson ka diya nazr-e-fanaa ho jayega bikhri zulfein dhalke aanchal or nigah-e-shaukh se kya pata us jaan-e-kamsin ko ki kya ho jayega uski chaahat uski ulfat or khuloos-e-ishq par main to phir aasee hoon zaahid bhi fida ho jayega socha to ye tha kuchal daloon tamannaein sabhi kya khabar thi ishq dast-e-iltija ho jayega shab guzarte hi wo mujhko chor jayega magar ashkon se tanhaiyon ka rabita ho jayega dil ko jhooti hi sahi kuch to tasalli bakhsh de mere jazbon ka yahi jafar sila ho jayega

  Back to top

#11 — Faizan Masood Faiz phir se ashkon ka shuru ik silsila ho jaaye ga zakhm dil ka kab bharay ga kab haraa ho jaega kal talak aabad thi makeenon se wo basti kia huee kia khabar thi ek pal main kia se kia ho jaaye ga qalb se apne kaha tha, gham kabhi na dekh'na ho sarapa gham, to apna aayena ho jaaye ga ab waqt khushian laega gham ka zamana tham gaya yeh soch ker dil ko faqat ik aasra ho jaaye ga milay ga kia tujhay zalim mere jazbaat ko choo ke kisi ki kaj'rawaee se, kia tu bara ho jaaye ga? dil ko kia kahieyay, hua gul se he jo ghayal iss pe gar kanta jo chubh jaey to kia ho jaaye ga? gunahgaar sehi,kaafir na kahay,zahid se ye keh do ho jaaye ga bad acha, badnaam bura ho jaaye ga mehboob dil main hai basa to phir haram kia cheez hai meri nazar se daikh, gum har fasila ho jaaye ga khizar ki rah se het ker khuda ki rahguzer ko tu samajh gar justujoo manzil ki hai, wohi rahnuma ho jaaye ga tairay zauq e shayeri per meer o ghalib chaa gaey faiz per bhi ik nazar ker lay to kia ho jaaye ga

  Back to top

#12 — A.h. Khan Hawa unke abba se jo tera saamna ho jayega ishq ka yeh bhoot pal bhar mein hawa ho jayega tum siyasat mein samajhte ho use bachcha mian ek din woh hi tumhara bhi chacha ho jayega kar raha hai ik police kaptan ki beti se ishq woh kisi din dekhna nazr e qaza ho jayega uska beta cjor hai, makkar hai aur be haya hai yaqeen woh ek din leader bara ho jayega ab bhi gar karte rahe mujh par yunhi zulm o sitam mere hathon khoon ik din aap ka ho jayega chheenk ik begam ko meri aagayee hai raat mein kal mere ghar doctor ka jamghata ho jayega main ne humsaye se bus maangi thi uski istree kya khabar thi is pe hungama bapa ho jayega

  Back to top

#13 — Ainulhaq Wataee yoon ghazal kehta naheen woh mubtala ho jaey ga aaeena daikhay ga charcha ja-ba-ja ho jaey ga abb shikayat saas say beevi ki touba keejeay phir na saloan ka rawayya na rawa ho jaey ga uss kay dar kay oonghtay kuttay bhi hain mardum shanas aap ja kay daikh lain kaam aap ka ho jaey ga chand ko keun tak rahay ho dair say kia baat ha ho gi ghar wali khafa mehshar bapa ho jaey ga uss kay nukkar par kharay rehtay thay ham pehron magar yeh kisay maloom tha yoon feel pa ho jaey ga dil lagi jab kee tou acha keh kay deen aankhain dikha shaiba tak bhee na tha acha bura ho jaey ga kamsinon say bay rukhi ka ab wataee kia gila umr-e-rafta ko sada dain bhee tou kia ho jaey ga

  Back to top

#14 — Jhony Penta Tashna Ahmedabadi ay kalam, tujh par karam, uskaa ataa ho jaaye gaa haq likho bas, zindagii kaa haq adaa jo jaaye gaa tarikh e firaun sab ko dars deti hai yehii maal o zar se kab koii bandaa, khudaa ho jaaye gaa wo bhi aaye they ayaadat ko hamaarii, isliye zakhm e maazi dil, jigar kaa phir haraa ho jaaye gaa hai alag har eak hasiin dil kii kahaani, thiik hai jab jamaa ho, dard kaa bas majmuaa ho jaaye gaa muskuraakar gar khudaa naa khaastaa mujhse mile qu-ba-qu, har eak kadam par tazkeraa ho jaaye gaa isliye kehta hoon mein kii, husn e zan rakhhaa karo paak o taahiir ishq be vajaha booraa ho jaaye gaa 'tashna' jo ab tak ayaan thaa, wo nehaan hogaa naheen tum zabaan se apnee keh do ge to kyaa ho jaaye gaa?

  Back to top

Previous Winners

Copyright © 1998-2007. Mehfil-e-Mushaira. All rights reserved.