Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 12   November/December 2005

Misra-e-Tarah: Jin ki khaatir basti choRi naam na lo unn piyaroN kaa Rank Poet Pts. Location 1 Muhammad Ahmed 84 Karachi, Sindh, Pakistan 2 Muhammad Aslam Fareedi 82 Karachi, Sindh, Pakistan 3 Tanwiruddin Ahmad Phool 80 Karachi, Sindh, Pakistan 4 Sajjad Sukhan 78 Karachi, Sindh, Pakistan 5 Wazir Hassan Wazir 76 Karachi, Sindh, Pakistan 6 Wali Alam Jalali 74 Karachi, Sindh, Pakistan 6 Sajid Hashmi Sajid 74 Rajgarh(biaora)m.p., M.p., India 8 Syed Hamid Hussain Baaqri Haamidbaaqri 72 Bangalore, Karnataka, India

#1 — Muhammad Ahmed yoon to koi dosh nahi tha, kashti ka patwaron kaa hum ne khud hi dekh lia tha aik sarab kinaron kaa chehra chehra taktay rehna hay hum ko aghiyaron kaa "jin ki khatir basti chhori naam na lo un piyaron kaa jharti eentain surkh burada kab tak apnay saath rakhain waqt chhaton ko chaat raha hay, dushman hay dewaron kaa tez hawa ne tinka tinka, aangan aangan, daan kia gum sum chirya taaq main bethi soch rahi hay pyaron kaa surkh gulabon ki rangat bhi achhi hay per sochta hoon qos-o-qazah se us ki aankhen, rang-e-haya rukhsaron kaa kash saron ki bhi qeemat ho dastaron ke melay main kash wafa bhi jins-e-giran ho, taur teray bazaaron kaa dhoka denay wali aankhen dhoka kha bhi leti hain raakh ura ke dekh to letay rang hay kya angaaron kaa man main gham ke phool khilain to lafz mehknay lagtay hain dil aangan bhi dekha hota tum ne khush guftaron kaa band gali bhi khud main janay rastay kitnay rakhti hay hum darwazay khoj na paay, dosh hay kya dewaron kaa aisa tha ke aanchal ban ke dharti ko sukh dena tha warna amber bhi kia kerta, sooraj, chaand, sitaaron kaa

  Back to top

#2 — Muhammad Aslam Fareedi her pal jismo-jaan pe qabza rahta hai dil-daron ka dil ko bilkul khof nahi hai khanjer ka talwaron ka shab bher is roodad-e-alam ko sunny wala koi nahi her lamha aahin bherta hai sannata deewaron ka aks-e-jaan per aas ka sooraj bankerjab koi aata hai aur chamak uthta hai chehra palkon kay in tarron ka ghalib apny zoq-e-talab ki khatir thay badnaam mager maikash ki in galiyon ko to naam na do baazaron ka kaisi khushboo phot rahi hai teri meethi baaton say hamnay rang ajab dekha hai aaj teray beemaron kaa aisi kerwat dherti nai li saaray gher mismaar huaye reza reza ho ker bikhra sheeraza bechaaron ka janay kab say meri ghazleyn dil unkaa bahlaati hain ab tak jin ki aankhon mein hai rang meray ash-aaron ka perbat ki waadi bhi ekdin husan ki dewi ban-baithi rafta rafta jab nikhra aaeena in kohsaaron ka raah-e-safar mein milnay walay ghair naheen sab apny thay raat fareedi mahfil-e-dil mein zikr chhira phir peyaaron ka

  Back to top

#3 — Tanwiruddin Ahmad Phool haal bhala keya tum ko bataaen apne peare yaaron ka ulfat ka izhaar hai mushkil, kahna hai be-chaaron ka! koofe ki jaanib rukh kar ke deti hai karbal yeh sada jin ki khatir basti chhori naam na lo un peyaaron ka! aik geya aaghosh-e-lahad mein, doosre ko aurang mila haal ajab dekha hai ham ne dunya ke darbaaron ka hai yeh ghalat fahmi insaan ko ghaib ki baatain kholein gay neele falak ki voosaat mein hai abtar haal sitaaron ka aakhiri aas lagi hai us se jo sab se taaqatwar hai koi naheen hai is dunya meia ranj-o-alam ke maaron ka aaj bhi yeh taareekh bataae azm-o-amal ki baat baree himmat ki quwat ne mora rukh tufaan ke dhaaron ka yeh tabdeel-e-deen to naheen hai, yeh to hai takmeel-edeen ilm karo haasil aay yaaro quraan ke see paaron ka dekhne mein achchhe lagte hain, un ki chamak de de na faraib raakh bana daite hain pal mein, kaam hai yeh angaaron ka khaar aur gul ki yakjaai hai kabhi bahaar aur kabhi khazaan phool ne dekha turfa tamasha dunya ke gulzaaron ka

  Back to top

#4 — Sajjad Sukhan bhool chuka hon main har rishta pholon jaisay khaaron ka jinki khaatir bastii chori naam na lo onn pyaaron ka hijrr ki raatain qatra qatra khoon hamara pee jaati'n marjaatay kab k jo na hota aasra chaand sitaron ka sehna zolm duaain daina peena aansuu or hansnaa sab say judaa dastoor hai hamdum ishq k mansabdaaron ka dekhtay hi pholon ko jo teri yaad aati hai sochta hon shyed rung udaa laaye hain yah terey rukhsaron ka oskai khutt oski tasweerain aawezaa'n hain har jaanib main nai masruff dhond nikala hai ghar ki deewaron ka chehra soraahi aankhain saaghur zolff ghataain jism chaman apni zaat main woh tanhaa majmo'aa hai shehpaaron ka kuch to bharam rahhjaata wafa ka pyar ki dushmun duniya main jhotay munh hi pooch to laitay haal apnay beemaron ka tumsay bichar kar jholasaatay rehtay hain jo merey tunn-munn ko tumko kia ehsaas bhala onn ashkk-numa angaaroon ka oski jhalak dekahin k na dekhain dil ko sokoo'n miljaata hai oski galii main aana jaana shughal hai hum aawaron ka choota ghar, ghar walay chootay saaray sunghii saathi chootay kurb koi kia jaan sakayga hum hijrat k maaron ka roz dhanak paikarr pay sajaa'ey baam pay koii aata hai roz merii aankhon par ehsaa'n hota hai nazaaron ka har dilkushh tasweer main teri purchaai sii lagtiii hai jaisay sirf tera chehra ho markaz in shehpaaron ka apni khomaar aalod aankhu say dekhlay saaqi jaam na day ankhuu tak mehdod hai peena hum jaisay maikhaaron ka gaye zamanay ki baatain lagtii hain kholos-o-mehr-o-wafaa chamak damak par mar mitnaa ab shaiwaa hai dildaaron ka taj mehal kitnay haathon ki qurbaani ka haasil hai taj mehal k naghma garo dheyaaan aaya kabhii me'amaaron ka shyed yonhi sukhan k saaray bigday kaam sanwarr jaatay kaashh osay a'ezaaz ataa hojaata zolff sanwaaron ka

  Back to top

#5 — Wazir Hassan Wazir chahat kaa sandesa aaya door des ke yaron kaa unnke ser ko taj mila hai nafrat ke angaron kaa pichle berson jab aaye to aa.nkhon me.n sawan utra jane kesa manzer hoga abke saal baharon kaa in donon ke chal chlan me.n ab koee tafriq nahi ek hi jesa hal bana hai rindon ka hoshiyaron kaa woh bhii rsta bhol gaya hai hum se bhii rehber chota sehra me.n ab khema hoga hum donon banjaron kaa tum apni dehleez pe rakh ker aa.nkhon ko roshan kerlo tohfa hum ne bhej dia hai apne chand sitaron kaa yad jab unki aati hai to aa.nkhen num ho jati he.n jin ki khaatir basti chori naam na lo unn piyaron kaa kalyon ko murjha dena to bade khzaan ki fitrat hai hal wazir ab jane kia ho pholon ke rukhsaron kaa

  Back to top

#6 — Wali Alam Jalali jhail rahay hain dukh yeh seenay mein paywast angaron ka shola baro daikha hoga zarf meray kohsaron ka dhak dhak karta rehta hay dil poorab kay pariwaron ka halka karnay aa jata hay bojh apnay hathyaron ka daikh daikh sundarta jag kee chanda bujh bujh jaey hay aag kay khail may dil bujhta hay dharti kay lashkaron ka pani sar say ooncha honay say pehlay kuch kar laina gehra sagar kaat raha hay pal pal bund kinaron ka rahbaron ki aabla paee rahzanon kay kaam aaee zardaron ko khoon paseena raas aaya nadaron ka aangan kay batwaron kay aasar say bhi dam ghut-ta hay oot ki eentain dhay jaingee daur gia deewaron ka janay kitnay aib nikalay aur kia kia ilzam dharay "jin ki khatir bastee chori naam na lo un piyaron ka" taj mehal abb aur koi tameer nahin honay dayna shahjahan phir katwa day ga hath naey maymaron ka aas kay aangan may phir ek shehnai see goonji ha wali aashaoon kay mailay mein hay jhurmat chand sitaron ka

  Back to top

#6 — Sajid Hashmi Sajid aisa hai dastoor nirala duniya ke gulzaron ka youn to aksar phool chubhein hein naam hua hai kharon ka daulat aur taqat ki may ne kuchh aisa mahaul kiya sab hi chakkar kat rahein hein sarkari galiyaaron ka kore kagaz per phaili hai ab jaise khoon ki laali surkh nazar aata hai chehra rozana akhbaaron ka kya batlaein kya samjhaein kaun samajhne wala hai baitha hai her shakh pe ulloo daur gaya hushyaaron ka kursi de do vote bhi de do jo mange to note bhi de do dana pani chal jayega pushton tak bechaaron ka khaliq per qurbaan hone ki reet jahaan me baqi hai isme kuchh to hath raha hai mansoori kirdaaron ka sajid aao mil ke ham tum ek dooje se pyaar karein nasamajhon ko bhi samjhaaein matlab to tyauhaaron ka

  Back to top

#8 — Syed Hamid Hussain Baaqri Haamidbaaqri rab kehta hai mehshar ka din,din hoga angaaro.n ka na jaane kab mout aajaaye,haq dey do haqdaaro.n ka dekh ke laakho.n insaano.n ko,khush fehmee mei.n mat rehna do din ke yeh saare mehmaa.n,kooch hai phir bechaaro.n ka rishvat se tum door hi rehna,rishvat ek beemaari hai rishvat dena rishvat lena,kaam hai yeh makkaaro.n ka roze qiyaamat zanjeero.n mei.n,jakde jab yeh jaaye.nge tadpe.nge tab koyee na hoga,qaum ke in ghaddaro.n ka qaum ka paisa loot ke tumne,apni tijori bhar lee hai banjaaye.nge aag yeh paise,khoon hai yeh laachaaro.n ka unn logo.n ne dil ko toda,jin per hum qurbaan hue "jinki khaatir basti chorhi,naam na lo unn pyaaro.n ka" bhooka pet hai sona behtar,aag ki roti khaane se haamid kaise bhool gaya tu,beta hai khuddaaro.n ka

  Back to top

Previous Winners

Copyright © 1998-2007. Mehfil-e-Mushaira. All rights reserved.