Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 14   March/April 2006

Misra-e-Tarah: apnee to neeNd uR gayee tere fasaane meN Rank Poet Pts. Location 1 Wali Alam Jalali 78 Karachi, Sindh, Pakistan 2 Najeeb Qasir 76 Karachi, Sindh, Pakistan 3 Ateeq Khan Saba 74 Shahjahanpur, Uttar Pradesh, India 4 Ain Ul Haq Watai 72 Karachi, Sindh, Pakistan 5 Wazir Hassan Wazir 68 Karachi, Sindh, Pakistan 6 Yasir Farooq Yasir 60 Karachi, Sindh, Pakistan 7 Tanwiruddin Ahmad Phool 58 Karachi, Sindh, Pakistan

#1 — Wali Alam Jalali ham kitnay purkhuloos hain aankhain bichanay mein mahir hay kitna shokh mahabbat jatanay mein aey aaqibat khuda ki qasam tu faraib hay dunya kharab ho gae tujh ko bananay mein ab aaey ga kay balon mein chandi chatak gaee arsa guzar gaya hay mujhay aazmanay mein gulshan say uth raha hay dhoowan bar bar keun teeli laga raha hay koi aashyanay mein hay bijleon ko nasl-e-anadil say dushmani zagh-o-zaghan lagay hain nasheman sujhanay mein yeh ghan gharaj yeh sot-o-sada aur yeh zeer-o-bam "apnee tou neend ur gaee teray fasanay mein" ab muntazir ha nazr-e-karam ka har ek jawan bigra kabhi na aap ka kuch muskuranay mein sholon ko sard karnay ki koshish hee kee naheen basti main aag lag gaee daman bachanay mein rasta tajawuzat kay narghay ma ha wali khasan-e-shehar khak basar hain hatanay mein

  Back to top

#2 — Najeeb Qasir kuchh istarah ulajh gaye ham tane bane men ?apnee to neend ur gayee tere fasane men? ahle wafa ka haal yehi hae to dekhna naame wafa rahe ga na baqi zamane men thaa kitna maan rishtae derina per hamen ik saanya laga na jise toot jaane men ik too nahin to kya ke zmana hae motarif aakhir koi to baat hai tere diwane men baithe bithae koi gaya apni jaan se kya mil gaya kisi ko bhala azmane men kyoon chherte ho tum hamen aa aa ke khwaab men kya faaeda hay tum ko hame yoon sataane men afsaana-e-hayaat ko unwan do koi aa jaao rang bher do adhoore fasaane men ujri hai yoon ke naam-o-nishan tak nahin raha ik umr lag gayee thi jo basti basaane men ik yaare bewafa tumhe shaair bana gaya qasir tumhara kya gaya dil toot jane men

  Back to top

#3 — Ateeq Khan Saba koi raha na apna mera is zamaze mein sab kuchh ganwa diya tujhe apna banae mein barbad ek pal mein jise tum ne kar diya ik umr lag gayee thee wohi ghar banane mein ab karwaten badalte hi guzregi sari raat "apni to neend ur gayee tere fasane mein" us ke bhi gharse utthen ge shole kabhi zaroor mashghool hai jo auron ki basti jalane mein ahle-khirad bhi karte hain sab uska ehtraam kuchh baat to zaroor hai tere diwane mein lagne laga hai apne bhi saaye se dar "saba" kuchh aise zakhm khaye hain rishte nibhane mein

  Back to top

#4 — Ain Ul Haq Watai tab hath kapkapatay thay ghoonghat uthanay mein ab pose day rahi ha dulhan shamyanay mein uljhay howay hain zulf-e-girahgeer mein kaee kitnay phatak diay hain laton ko hatanay mein sarmaey kay jalo mein hain samaeydar hee kaam aain gay ghareeb hi ghurbat mitanay mein tu chahta tha jo wohi ham par asar huwa "apnee tou neend ur gaee teray fasanay mein" bethak mein ho rahay hain muqaddar kay faislay kab say lagay huway hain uthanay bithanay mein ham nay middle class chunay jo upper howay kuch mushkilain hi barh gaeen choolhay jalanay mein nikla tha main tawaf-e-haram ko girah kato hajj ho na jaey thanay kay chakkar laganay mein jageerdaron hi ki hain jageer hukoomatain dehqan ka hay qusoor unhain sar charhanay mein jau bo kay jau hi katay ga sunta naheen yeh baat zalim juta huwa hay abhi hal chalany mein jo sarf-e-badah kartay hain mastan-e-kaj kulah shamil hay khoon-e-dil mera us aabyanay mein pehloo mein hay wataee kay ek shay bari haseen woh khak ho na jaey ga jalnay jalaanay mein

  Back to top

#5 — Wazir Hassan Wazir teri to raat kat gai baten banaane men apnee to neend ur gayee tere fasaane men besti ko is tarha se to pamaal mat karo sadeyaan lagi hen zalimon is ko banaane men tera khayaal teree talab teree arzoo sab kuch hai mere doston dil ke khazaane men chehra gulab zolf ghata guftago men ang muddat lage ge teree ada bhol jane men woh hat gai to neend bhi aankhon se ur gai tasveer jo lagi thi meree aashyaane men hum dushmanon se apni shikayat bhi kia karen tha doston ka hath nasheeman jalaane men sayyad unki ghaat men rehta he rat din ab kis tarha se aayen parinday thikaanee men hum ne wazir boojh woh ser pe uthalia pechey rehe malaaika jis ko uthaane men

  Back to top

#6 — Yasir Farooq Yasir do pal ki rasm-o-raah hai chehre sajaane men kiya kaam mehfiloon ka diloon ko milaane men? phir kiya karo gey poori tawaqqo na jo hoee? tera bhi imtihaan hai mujhey aaz?maane men be-khouf phir raha tha main qabroon ke dermiyaan lekin ye kiya k der gaya ik aas?taane men ik khawb dekhta hoon main hasrat se aaj bhi ? apnee to neend ur gayee tere fasaane men? hum-omr hain darakht ye , bargad ka, aur main lekin ye farq kaisa hai saaya bichaah?ne men? mazdoor saari zindagi mazdoor rehta hai laati hain rung mehnatain sermaaya-khaane men ik jazba-e-qadeem ki taskeen hai faqat khush hain wo ik rasool ka khaka uraane men ye dekhiye zaroor k khilte hain kis tarah iran ke phool zoor-e-khizaan aaz?maane men ye aasmaan-e-subh sikhata hai ik sabaq taroon ki zindagi hai faqat jag?magaane men dil ki zameen tang hai yasir teri bohat bersoon ghuzar gaey hain isey aas?maane men

  Back to top

#7 — Tanwiruddin Ahmad Phool guzri hai aik umr hamain raaz pane mein koi kisi ka dost naheen is zamaane mein baagh-e-iram ko chhor ke phirta hai muztarib insaan!kea mila tujhe dunya mein aane mein? ik kaar-e-bemisaal hai heera tarashna leta hai waqt jauhari heera banaane mein takhreeb kaar!tu ne to sab kuchh kia tabaah beete thay kitne jug hamein basti basaane mein aaie thay jab jahaan mein,sab ko tha intezaar ik saania laga hamein dunya se jaane mein! stage hai daraame ka yeh kaar gaah-e-dahr baaqi hai kitna waqt yaan parda giraane mein "is aashiqi mein izzat-e-saadaat bhi gai" aia phool!meer ro pare izzat bachaane mein!

  Back to top

Previous Winners

Copyright © 1998-2007. Mehfil-e-Mushaira. All rights reserved.