Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 15   May/June 2006

Misra-e-Tarah: koyee pursaaN nah huwaa ham se gunahgaaroN kaa Rank Poet Pts. Location 1 Zeeshan Akhter Alvi Zeeshan 76 Rawalpindi, Punjab, Pakistan 2 Syed Hamid Hussain Baaqri Haamidbaaqri 74 Bangalore, Karnataka, India 2 Bhaswar Dasgupta Munawwar 74 Kolkata, West Bengal, India 4 Yasir Farooq Yasir 66 Karachi, Sindh, Pakistan 5 Wazir Hassan Wazir 64 Karachi, Sindh, Pakistan 6 Muhammad Aslam Fareedi 60 Karachi, Sindh, Pakistan 7 Jamal Abdul Nasir Jamal 50 Faisalabad, Punjab, Pakistan 8 Ali Haider Asar 46 Karachi, Sindh, Pakistan

#1 — Zeeshan Akhter Alvi Zeeshan jab sitam had se guzar jaye sitam gaaron ka chaara-gar koi nikal aata hai be-chaaron ka woh jo hota tha kabhi shaahon ke darbaaron ka hai wohi haal mere dor ke akhbaaron ka koi aflaas se be-sudh, koi faaqon se nidhaal she'hr kya khaak hai, ik majma' hai beemaaron ka aadmi ab bhi magar seena-sipar hai dekho zalzaley tor gaye hosla kohsaaron ka hum ko bhaata nahin is khokhli rif'at ka gharoor girna dekha hai khuli aankh se meenaaron ka sir-ta-paa kaanp gaya mere takhay'ul ka badan aisey takrao hua soch ki talvaaron ka tum ne sad'aam ki haalat nahin dekhi logo haal hota hai yehi qaom ke ghad'aaron ka yoon hi yaksaani-e-naz'aara ka tootey ga tilism aaina tor do ab zaat ke naz'aaron ka be-wafa hum ko na kehta yeh zamana zeeshan saath deta jo koi hum se wafa-daaron ka

  Back to top

#2 — Syed Hamid Hussain Baaqri Haamidbaaqri haami hota hai khuda haq ke parastaaro.n ka haal behaal hai baatil ke tarafdaaro.n ka aksariyyat hai siyaasat mei.n daghaabaazo.n ki haq ada yeh nah kare.nge kabhie haqdaaro.n ka nah daro cheen lo haq apna har ek ghaasib se inquilaabi bano mu'nh todh do ghaddaro.n ka jo munaafiq hai.n qiyaamat mei.n yahi bolay.nge "koyee pursaa.n nah hua hum se gunahgaaro.n ka" zulm se ladna hai jab tumko jahaa.n mei.n haamid khauf kyu.n khaate ho duniya ke sitamgaaro.n ka

  Back to top

#2 — Bhaswar Dasgupta Munawwar dil wo parwarda-e-mamnoon hai jafaa kaaron kaa jo ba har zakhm, namak khaaye hai sarkaaron kaa shamme' par jaan nicaar apni nah karte kaise? jalna dastoor hai aatish ke parastaaron kaa mai kashee waqt-e-bahaaraan jo karen, to itnee, rang pheekaa nah khizaan men bhi ho rukhsaaron kaa! yeh na hoteen to samandar bhi bayaabaan hotaa mujh pe ehsaan hai gham khaane ki deewaaron kaa hai kaf-e-dast yeh apnaa ke bisaat-e-shatranj! bakht kee chaal ne kyaa haal kiyaa taaron kaa! hai mire ashk, mira dil, mire hee gham, to phir kaise kucch haq bane in par mire ghamkhwaaron kaa ab munawwar ki khabar ham se nah poochho yaaron "koee pursaan na huaa ham se gunahgaaron kaa"

  Back to top

#4 — Yasir Farooq Yasir ye nigahbaan falak sainkroon nazzaaroon ka kaam karta hai mere waaste geh'waaroon ka aao dunya k jahannum men zara jal dekhain hamen andaaza to ho hashr k an'gaaroon ka kiya nahi shehr men maujood khuda-e-ulfat kiyoun koi rukh kare sehraaoon ka koh'saaroon ka kiya bataate jo bataate so ye achchaa hi howa "koi pursaan na howa hum se gunah'gaaroon ka" ab ghareeboon ko bhi shikwa,hai muhabbat kamyaab rasta apnaa liya muflis ne bhi zer'daaroon ka koi chupke se pukaare to bhi sun letaa hai qadr'daan aisa koi laae talab'garoon ka naee tehzeeb ki jaari hai harappa-kari bhais kuch loogoon ne badlaa hai razaa'kaaroon ka

  Back to top

#5 — Wazir Hassan Wazir tazkara kon kare misir ke bazaron kaa koi mela nahi yousuf ke kharidaron kaa koi zindan me.n gaya hai koi maslob hua hal hota hai ya ulfat ke talabgaron kaa dil machal jata hai aankhon me.n mani aati hai jab khayal aata hai bichre hue dil daroon kaa ja baja pheeli nazer aai lahu ki surkhi eek hi rang hai sab kagazi akhbaron kaa aag lagti hai to daman se hawa dete he.n ya karishma hai mere hashya bardaaron kaa koi sachaai ko tasleem nahi kerta hai jhoot ka door zamana hai siakaaron kaa sare perdes gay pias bujhaane kelye seher veraan huwaa des ke mekhaaron katte rehte he.n nakerda gunaahon ki saza koyee pursaan na huwaa hum se gunahgaaron kaa jab wazir aati hai qurbat me.n judai ki ghari rang urta hai chamakte hue rukhsaaron kaa

  Back to top

#6 — Muhammad Aslam Fareedi mujhko khanjer ka koe khauf na talwaron ka keyonkey qabza hai merey pa dildaaron ka khamshi kaisi hai aur kaisa khezan kamausam! chehra weeran to lagat nahi ashjaaron ka waqt badla hai to phir khud ko badaldey werna! keya baneyga terey qad ka, teri dastaaron ka mauj-e-dariya isay lejaye jahan jee chahey tooti kashti sey ta-alluq naheen patwaron ka ishq ney dasht nawardi sey bhi tauba kerli ab kaheen nam naheen reit ki deewaaron ka wo teri chashmey fasoon saaz mein gum ho jaaey dekhley hausla jo bhi terey beemaaron ka aisi menhgaayee sey allah bachaaey sab ko jaib ney chor diyaa sath khareedaron ka meray koochey mein jo roshan hain muhabbat key cheraagh naam dena na khudara inhein baazaaron ka aiy fareedi teri kisterha ki gumnaami hai! aaj bhi zika hai baaqi teray asha-aaron ka

  Back to top

#7 — Jamal Abdul Nasir Jamal teri nigah men paigham hay baharon kaa teri hansee men tarannum hay aabsharon kaa gunah yeh tha keh bantee masarratain ham nay ?koyee pursaan nah huwaa ham se gunahgaaron kaa? kisi ki aankh men aansoo kisi ke lab pe hansee ajeeb khel hay taqdeer ke ishaaron kaa yeh khaarzaar hain taqdeer ka likhaa lekin khayaal chor doon main kaisay marghzaron kaa yahan nah yousuf-e-kin?an nah husn he arzan guman nah kar tu yahan misar ke bazaron kaa gila main kis se karon zindagi ke lutnay kaa meri tabahi men hissa hay merey yaron kaa main roshni ke ta?aqub men door aa nikla magar na khatm huwaa rasta andhiyaron kaa ?jamal? thak gaya hay aik shab ki manzil say bahot kara hay safar aasman ke taaron kaa

  Back to top

#8 — Ali Haider Asar aansoo tasveer-e-jaan,gul aaina baharon ka shor basti ke naved,hoo khasa he mazaron ka bhoolne usko nahin deti meri tanhaii mujh pe ye khaas karam he ye mere yaroon ka mout bhe meri ayaadat ko nahin aati hey "koi pursaan na huwaa hum se gunahgaron ka" gher mera jal to gaya,kuch na bacha per afsos! daamun apna bhe jala aap tabahkaron ka roshni badli to saaye ne bhe qibla badla ek ajab qeh't he dunya mein wafadaron ka mou'jazey radd kiye,go chand bhe do lakht kiya sarr kham-e-haqq kiya jab saaya tha talwaron ka jab se wo dour gaya mehfilein bhe rooth gaeen sheher ke logon mein kya tazkira mazaroon ka? hum ko peene do ke ab hosh ka kya kerna he? hey ilaaj ek yehee ishq ke beemaron ka ghalib o meer ke asnaad se kisko inkaar!!!! as'r* charcha he magar apne bhe ash'aaron ka

  Back to top

Previous Winners

Copyright © 1998-2007. Mehfil-e-Mushaira. All rights reserved.