Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 16   July/August 2006

Misra-e-Tarah: Teri zulfoN ke bikharne ka sabab hai koi Rank Poet Pts. Location 1 Wazir Hassan Wazir 86 Karachi, Sindh, Pakistan 2 Mohammad Hidayatulla Fahmi 84 Anantapur, Andhra Pradesh, India 3 Abdul Hameed Hamid 82 Rawalpindi, Punjab, Pakistan 4 Zeeshan Akhter Alvi Zeeshan, Zeeshan 80 Rawalpindi, Punjab, Pakistan 4 Ateeq Khan Saba 80 Shahjahanpur, Uttar Pradesh, India 6 Tanwiruddin Ahmad Phool 78 Albany, New York, U.s.a. 7 Abdul Azeez Syed Farhan 74 Hyderabad, Andhra Pradesh, India 7 Ali Haider As'r 74 Karachi, Sindh, Pakistan 9 Syed Hamid Hussain Baaqri Haamidbaaqri 68 Bangalore, Karnataka, India 10 Sana Ahmed Shama 42 Lahore, Panjab, Pakistan 11 Khurshid Rizvi Naiyer 40 Riyadh, Riyadh, Ksa

#1 — Wazir Hassan Wazir dil lagane ka bhi ye khel ajab hai koi jis men jeene ka na marne ka adab hai koi ab dareechey se nahi koi sada aati hai jaisay zindan men yahan muhar balab hai koi to bhi aa jaey ga halaat ke zad per jis din tujh ko ho jaey ga ma"loom ke rab hai koi sirf deedaar ki hesrat thi mere seene men aai aawaz kaho or talab hai koi subha tak shama" ki maanind jala kerta hoon shab-e-hijraan ki tarha or kahan shab hai koi saare oulaad hen aadam ke mager jane kion koi a"jami hai yahan or a"rab hai koi yoonhi chehre pe udasi to nahi chati hai teri zolfon ke bikharne ka sabab hai koi ya jo utra hai wazir a"ks meri aankhon men ya guman hai ke pas-e-aaina ab hai koi

  Back to top

#2 — Mohammad Hidayatulla Fahmi pyaas shiddat ki hai yaa lab pe talab hai koi aas aankhon men hai aur jaan ba lab hai koi aise lagtaa hai koi paas hai meri jaan se kyon nazar men meri aata nahin jab hai koi pher lena mere aane pe tera rukh jaanam ye qayaamat ka mere dil pe ghazab hai koi dil jo tuta mere eh'saas ka shisha tuta mehfil-e-gham na yahaan bazm-e-tarab hai koi rukh pe milne ki khushi hai na bichadne pe malaal main tere dil men kabhi tha magar ab hai koi ek na aane pe tere jee tho rahaa hun lekin dil ki dhad'kan men meri lab hai na dab hai koi baarha tujh pe meri jaan nichaavar kar dun mere jeene ka meri jaan sabab hai koi aisi chaahat ke lage chot tho ho dard udhar phir jhagad'ne ka tamaasha bhi ajab hai koi waqt be waqt bhale waqt men sab dost bhale waqt ke waqt meraa kaun tha kab hai koi be-wafaayee hai ke yaad aayin wafayaen meri "teri zulfon ke bikharne ka sabab hai koi" ghup andhera hai na taare hain na jugnu "fahmi" bahr-e-zulmaat hai yaa hijr ki shab hai koi

  Back to top

#3 — Abdul Hameed Hamid mazhar-e-rehm-o-karam, qehr-o-ghazab hai koi mujh ko mehsoos yeh hota hai k rab hai koi is qadar talkh haqayeq hein k jeena mushkil aisey haalaat mein jeeney ka sabab hai koi aik majmooa-e-azdaad hai saari duniya koi khush-baash kahin jaan-ba-lab hai koi donon aalam mein ba-juz sood-o-ziyan kuch bhi nahin is se aagey bhi bhala raah-e-talab hai koi kya qayamat hai k afkaar pe taari hai jamood soorat-e-haal badalney ka sabab hai koi raqs-e-iblees bapa ho k raha mehshar mein log kehtey they kahin bazm-e-tarab hai koi is naye dor ne ehsas ki dolat cheeni aisey taareek sawairey ki bhi shab hai koi qadr-daanon ne to fankaar ke fan ko dekha doosron ne yeh kaha 'naam-o-nasab hai koi?' saari duniya ki biyaazon se ghazal chunta hai aisey aalam mein shan'aasa-e-adab hai koi zindagi jis ki rafaqat mein basar ho hamid pehley koi bhi nahin tha magar ab hai koi

  Back to top

#4 — Zeeshan Akhter Alvi Zeeshan, Zeeshan yoon hi wehshi si meri khoo-e-ajab hai koi ya merey dast-e-junoon ki bhi talab hai koi apna her shakhs ka hai tarz-o-tareeq-e-izhaar gham mein rota hai koi, mohr-ba-lab hai koi hum ne jis jis ko bhi chaha woh moaz'az the'hra rashk-e-maryam hai koi, sheerein laqab hai koi rehmat-o-mehr ka hum dhoond hi laitey hein jaw'aaz qehr toota hai to us ka bhi sabab hai koi daikhtey hein jo mujhey, daikh ke hans detey hein yeh ada aap ki aafat hai, ghazab hai koi basti-e-khana-ba-doshaan mein jo masjid dekhi mujh ko hairat si hui in ka bhi rab hai koi! paani behta nahin ris jaata hai kyon farsh taley ghar ki buniyaad mein shayed k naqab hai koi merey hum-zaad mere dil ke jahan ka mehram tujh se pehley tha koi aur na ab hai koi yoon hi bekaar nahin mehfilein internet ki in mein bhi pehlu-e-taameer-e-adab hai koi tu to zeeshan bana phirta hai aahon ka safeer andaroon terey hi mayel-ba-tarab hai koi

  Back to top

#4 — Ateeq Khan Saba tere har jaur pe bus mohr ba-lab hai koii kis qadar ishq mein paband-e-adab hai koii aap se milta hai matlab use jab hai koii be gharaz aaj ke is daur mein kab hai koii tere munkir the jo unko bhi nawaza tu ne inteha tere karam ki mere rub hai koii phir yeh lazim hai ki khali na woh jane paye saamne aap ke gar dust -e- talab hai koii mera har shaam bikharna to hai qismat meri "teri zulfon ke bikharne ka sabab hai koii" zukf-e-beshaana,pareshan nazar,bahke qadam aisa lagta hai tere dil mein bhi ab hai koii chandni phaili ho, tu sath ho, tanhaayee ho kya muqaddar mein mere aisi bhi shub hai koii aish-o-ishrat mein bhi hai koii sukoon ka mohtaj muflisi mein bhi "saba" mahw-e-tarab hai koii

  Back to top

#6 — Tanwiruddin Ahmad Phool maqtal-e-ishq mein taqreeb ajab hai koi manzar-e-qatl hai ya jashn-e-tarab hai koi is ka ghammaz hai,mahram hai shabistan-e-wsaal teri zulfon ke bikharne ka sabab hai koi har naey shaer ki takhleeq yeh karti hai swaal mahfil-e-shaer mein maimar-e-adab hai koi? kah diya haali ne,yeh zaat naheen aashiq ki aashiqi ka bhi hasab aur nasab hai koi? misl-e-shabnam teri aankhon mein nidaamat ke guhar arsaa-e-dahr mein kia aeisi bhi shab hai koi? sang baari kay ewaz phool duaa ke bakhshe hauslamand bashar bolo yan ab hai koi? raad aur barq ki aawaz falak se aai aeisa lagta hai ke maghloob-e-ghazab hai koi tere deedar ki hasrat hai nigahon mein basi aa bhi ja,tere liey jaan balab hai koi aeisi paiy hai nazakat ke naheen is ka jawab pankhari phool ki hai phool! ya lab hai koi

  Back to top

#7 — Abdul Azeez Syed Farhan bay khabar gamza-e-qatil say youn kab hai koi, teer-e-mizgaan say magar, jaan ba lab hai koi. raaz-e-ulfat na kaheen faash tire dil ka ho, tayrii aawaaz main jhankaar-e-tarab hai koi. ja maray dast-e-haseenoon main bala say mayri, fikr dil ki na kabhi kuch thi, na ab hai koi. bhar gayeen wasl ki shab fart-e-khushii say aankheen, lo bhala jaisay yeh bhi hijr ki shab hai koi. phoot kar rota raha zikr-e-wafaa per mayray, qissa-e-dard main ik shakhs ajab hai koi. deekh kar ujra chaman dil ka mire, jana yeh, "tayrii zulfoon kay bikharnay ka sabab hai koi." aabroo tayrii rahay kaisay salaamat aqsa, housla mand' ajam hai, na arab hai koi. tayrii, farhan! sharafat ka yaqeen ho kaisay, hai na aadam ka hasab kuch, na nasab hai koi.

  Back to top

#7 — Ali Haider As'r waris-e-mazhab-e-sultan-e-arab hai koi? rooh jaan ro bar-e-sehat ho,matab hai koi aal-e-imran batati hey rumooz-e-taskheer chand soraj jo musakhkhar hoon ajab hai koi ab to tauheed pe imaan pe hadd jari hai bhool betha hey ye insaan ke rabb hai koi! phirse firaunoon yazedoon ke hai bhermar yahan moosa-e-mis'r , maseeha-e-arab hai koi hukm meezailoon pe likhte hein atfaal-e-yahood or wahan tif'l nishaney pe,ghazab hai koi shehr-e-beirut ke maoon se koi na poocho, teri zulfoon ke bikharne ka sabab hai koi as'r* hukkam hamare hein hameen mein se magar meer saadiq koi, boo jehl-o-lahab hai koi

  Back to top

#9 — Syed Hamid Hussain Baaqri Haamidbaaqri bolo urdu sa zamaane mei.n adab hai koyee is zaubaa.n per jo hua aisa ghazab hai koyee hind ki beti hai jalna hai muqaddar iska is hasee.n urdu ka pursaa.n nahi.n ab hai koyee urdu daano.n mei.n kayee log yahaa.n aisay hai.n jinko bahboodiye urdu se nah matlab koyee saaya.ye gaysooye urdu mei.n palee.n tahzeebe.n "teri zulfo.n ke bikharnay ka sabab hai koyee" saari duniya ke zubaano.n ki yeh zeenat haamid apni urdu si zamaane mei.n 'ajab hai koyee

  Back to top

#10 — Sana Ahmed Shama tere zulfoon kay bikharnay ka sabab hai koi gardish-e-khoon ki tapish ka saab hai koi behaktay alfaz zaroori nahi muhabbat hi hoon meray dil ko bhi chalni karnay ka karab hai koi sochti rehti hoon muhabbat kay afsanoon ko harpal meri har yaad ko yaad sy milanay ka tarab hai koi hazaron khab sajaye hain apny ley main nai yahan meri har tabeer kay bikharnay ka gazab hai koi muhabat khalos zarori hai teray ley shama mager ishaq k khail ka hasab nasab hai koi rafta rafta teri muhabbat mera janoon na ban jaye zeest ki naye bandishoon ka mazhab hai koi

  Back to top

#11 — Khurshid Rizvi Naiyer hai koi wajhe huzn wajhe tarab hai koi koi hai gham ka madawa to sabab hai koi badguman ho gaye mujhse wo zikr se jinke na koi subh hi khali hai no shab hai koi saba naseem ke sarsar ke hawa e sehra "teri zhufon ke bikharne ka sabab hai koi" dast nadidah ke tahqueeq ki hai fikr udhar zakhm se jab ke idhar jaan balab hai koi faisla karke khud apne khilaf jane kyon dast e afsos bhi malta hai ajab hai koi jahan pe apne tasarruf ke dhun men zulm na kar daro daro ke kaainat ka rab hoi koi wafa khuloos o muhabbat ki bat kya naiyer gham bhi beloss yahan bantta kab hai koi

  Back to top

Previous Winners

Copyright © 1998-2007. Mehfil-e-Mushaira. All rights reserved.