Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 17   September/October 2006

Misra-e-Tarah: aarzoo kehtee hai pehle dil-e-muZtar nikle Rank Poet Pts. Location 1 Waquif Ansari 90 Allahabad, Uttar Pradesh, India 2 Ateeq Khan Saba 88 Shahjahanpur, Uttar Pradesh, India 3 Wazir Hassan Wazir 86 Karachi, Sindh, Pakistan 4 Syed Kashif Asri 84 Hoffman Estates, Il, Usa 5 Ali Haider As'r 82 Karachi, Sindh, Pakistan 5 Gulrezali Khan Gulrez 82 Allahabad, Uttar Pradesh, India 7 Syed Hamid Hussain Baaqri Haamidbaaqri 80 Bangalore, Karnataka, India 8 Imtiazulmulk Sultani Aasi Sultani 78 North Karachi,karachi, Sindh, Pakistan 9 Mohammad Hidayatulla Fahmi 76 Anantapur, Andhra Pradesh, India 10 Tanwiruddin Ahmad Phool 74 Albany, New York, U.s.a. 11 Ramzi Faridabadi Farzand 58 London, Middlesex, United Kingdom 12 Imran Ali Asa 46 Quetta, Balochistan, Pakistan 13 Shahzad Warsi Shahzad 42 Lahore, Punjab, Pakistan.

#1 — Waquif Ansari parda-e-khak se kuchh aise qalandar nikle apne kooze mein samokar jo samundar nikle in andheron se bachaale koi aakar mujhko ban ke zulmat mein koi mehr-e-munawwar nikle main wo patthar tha jo teeshe se tarasha na gaya main jo toota kayee farhaad tadap kar nikle nahin maloom ke ye shahr hai patthar ki tarah aaina khana kahan aap sajakar nikle jin makanaat ki tazyeen ka shohra hai bahut un makanaat mein shayad hi koi ghar nikle badh ke chooma mire maathe ko chamanzaron ne ashk aankhon mein kisi ka jo sajakar nikle jin khayalaat ko farsoodah kaha karta tha wo khayalaat mira haath pakad kar nikle noor hi noor hai har samt sare raah guzar kaun ye log hatheli pe liye sar nikle ishq ki baat chali jab bhi jahan bhi "waquif" mere ashaar-e-ghazal meel ke patthar nikle

  Back to top

#2 — Ateeq Khan Saba parcham-e-huq ko jo hathon mein uthakar nikle ho ke nezon pe buland unke hi phir sar nikle lutf dene lagi jab mujhko meri tishna labi tab mujhe dhoondne kitne hi samandar nikle dharm hi deta hai paigham-e-mohabbat sab ko dharm ke naam pe hi logon mein khanjar nikle jo kinaron pe hi gharqab hue the woh log ghaur se dekha to mashhoor shinawar nikle ghar mein humsaye ke kohram macha hai, lekin kaun ab raat gaye kamre se baahar nikle jaan-nisari ka jo karte the hamesha dawa aasteenon mein chhupe unki bhi khanjar nikle garh liye logon ne afsane na jaane kya kya chand aansoo jo meri aankh se baahar nikle lag hi jata hai jawani mein koii dagh "saba" chaahe kitna koii daaman ko bacha kar nikle

  Back to top

#3 — Wazir Hassan Wazir zakham ke phol khile derd ke joher nikle jo bhi nikle who mere seene ke ander nikle raah per khar se daaman jo bacha ker nikle log sare who muqadder ke sikender nikle roshni sare zamaane me.n bikher jaye gee apne gher se who ager maah-e-munawwar nikle jo tahafuz ki zamaanat hame.n dene aaye aasteeno.n me unhi logo.n ke khanjer nikle tum to kehte they ke kho.n khwar darinde honge ja ke dekha to parindo.n ke waha.n per nikle waqt ki halki si hararat se pighal jate he.n aadmi hote hue mom ke peker nikle door jab tak rehe heere ki chamak thi un me.n paas jab aaye to bejaan se pather nikle muntazir sara zamana to braheem ka tha un ke mander se jo nikle sabhi aazer nikle der to zinda.n ka hamesha se khula hai lekin aarzoo kehtee hai pehle dil-e-muztar nikle desht-e-tanhaee me.n who leke wazir aaye he.n jo bhi ahbab mile sare sitamger nikle

  Back to top

#4 — Syed Kashif Asri dil kahan jayee kahan jaan bacha kar niklay asteeno mai tou apno kee bhee khanjer niklay uss nay dooran-e-safar hum koo bhataknay naa diya hum joo soorat teri ankhoon mai basa kar niklay jab bhe qurbaniyan deeenay maqam aaya hai qura-e-faal meray naap per akcar niklay dekh lay gardesh-e-halat nay insaaf kiya mujh say behtar thay joo kaal ajj wooh badtar niklay *goo kay khamoosh raha karta hia kashif lakin yeh woh darya hai kay jis mai say samandar niklay

  Back to top

#5 — Ali Haider As'r mere maabood jo ghaibat se wo rehbar nikle fikr-e-insaan se wehshat ka ye ansar nikle ungliyan panchoon baraber nahi hoteen,sach hey! aaney waaley yahan agloon se bhe berh ker nikle darwin* tera nazarya hey sarasar ulta!!!! nasl-e-insaan se batadreej hein bandar nikle sab rehe dhondhte taa um'r mawaddat ke hadein or kuch qamber-o-salmaan-o-abuzar nikle ab to shaitaan bhe perhta hey a'oozo billah kya kare aur ke insaan se bach ker nikle?? laal-o-yaqoot-o-jawaher,laqab-e-but shikani! aadh hamla to mere jaisa bhe ker ker nikle hum ko tasleem sitarey bhe ziaa dete hein, jaanasheen chand he jo shams se lekar nikle!** phenkta rehta hey ghum,soorat-e-khun a'azaa mein aarzoo kehti hey pehle dil-e-muztar nikle junbish-e-gul pe hein ae asr nigahein markooz unke hontoon se saba hoke moatter nikle *darwin proposed that humans evoluted from monkeys **washshamso wazuhaha, wal-qamar-o-izaa talaha(soora-e-shams)

  Back to top

#5 — Gulrezali Khan Gulrez shab ki tanhaai mein aisa koi manzar nikle jo nikalta nahin arman dile muztar nikle tishnagi apni zamaane se chhupa kar nikle tab mire chhalon ke daaman se samundar nikle baat be-baat yahaan baat pakad jaati hai munh se jo baat bhi nikle wo sanbhal kar nikle chalo achchha huaa wo bhool chuka hai mujhko chalo achchha huaa ab zakhme jigar bhar nikle dil-e-aaaina mein abtak nahin jhanka main ne kya ta-ajjub dil-e-aaina mein patthar nikle dil ye kahta hai ke arman ko nikaalaa jaye "aarzoo kahti hai pahle dil-e-muztar nikle" inqalaab aur tagaiyur hai ajab manzil par dekho "gulrez" be-aaban mein gule tar nikle

  Back to top

#7 — Syed Hamid Hussain Baaqri Haamidbaaqri laailaah kaehtay hue jab bhi payambar(s.a.w.a.w.) niklay kabhie kooda tau kabhie haatho.n say patthar niklay koyee paagal koyee kehta tha unhe.n jaadoogar muskuraatay huay phir bhi mere rahbar niklay rahbari cheez hai kya kehtay hai.n kisko rahbar yeh 'ayaa.n kartay hue saaqiy-e kaucer niklay jo kaha kartay thay usper woh 'amal karte thay dozakhee hongay munaafiq yeh bataakar niklay dekhkar aaj kay rahbar ko suno aye haamid "aarzoo kehti hai pahlay dilay muztar niklay"

  Back to top

#8 — Imtiazulmulk Sultani Aasi Sultani mera dushman bhi agar mere barabar nikle woh mre zarf ko daikhe to samundar nikle woh sabhi ke liye paighaam-e-masarrat laye subhdam jab bhi chamakta huwa khawar nikle yaad-e-maazi ne dia karb hi aeisa hai mujhe ashk aankhon se machalte hue shab bhar nikle khud-gharaz loag bahut milte hain aksar mujh ko koi to aeisa mile jo mra yaawar nikle shaikh saheb sar-e-darwaza-e-maikhaana mile daikhta rah geya main aur woh baahar nikle bas isi aas mein sar-gardaan raha main ab tak jo mre paas bhi aaye mra ban kar nikle keya mra aana tha aasi yeh mra jaana keya daagh-e-ruswai liye boariya bistar nikle

  Back to top

#9 — Mohammad Hidayatulla Fahmi dil men rach, bas jo gayee yaad wo kyon kar nikle ham jahaan se bhi isee fikr ko le kar nikle aayi honton pe hansee aayi magar pheeki si abr-e-gham leke ujaalon ke muqaddar nikle zindagee bhar rahe muh'thaath har ik dushman se aasteenon men magar dosth ke khanjar nikle ham ne ik umr wafaaon men guzaari laikin wo sithamgar they sithamgar ke sithamgar nikle aqd ki shab ye kulaa uqda bhi dheere dheere kam sukhan jin ko samajhthe they sukhan-war nikle unke maathey pe shikan aayi tho shaahon ke bhi hausle pasth huye khouf qad aawar nikle dil ka kehnaa hai ke deedaar-e-sanam ho pahle "aarzoo kahthi hai pahle dil-e-muzthar nikle" yun tho ham se bhi khathaayen tho huyi hain hain laikin jab huwaa saamna aankhen wo churaa kar nikle zindagee bhar ki akaarath gayi mehnath apnee jin ko almaas samajhthe they wo patthar nikle be-gunaahee huyi saabith jo hamaaree "fahmi" khushk aankhon se nidaamath ke samundar nikle

  Back to top

#10 — Tanwiruddin Ahmad Phool dil yeh kahta hai ke mahboob sanwar kar nikle aarzoo kahti hai pahle dil-e-muztar nikle aaj dunya mein naheen koi kaheen un ki misaal lashkar-e-zulm ke aage jo bahattar(72)nikle apne bachche se mukhatib thi dehatan koi ghar se bahar to nikal take tera dar nikle tujh ko maloom hai keya un ki hai qadr-o-qeemat teri aankhon se nidamat ke jo gohar nikle ham to aulaad hain aadam ki magar keya kahiey darwin ke thay jo ajdaad woh bandar nikle! aie watan ! teri taraf jab koi dushman aaya tere ushshaaq hathaili pe liye sar nikle phool ne gulshan-e-hasti mein yeh manzar daikha ashk shabnam ne bahaae to gul-e-tar nikle

  Back to top

#11 — Ramzi Faridabadi Farzand t^aaq peh rakh? ke dard-o-gham mahfil ko kyonkar nikle jang men larne kyon ab be-tegh-o-be-baktar nikle dil men jab ham le chale har dard-o-gham dunyaa ke har ik anjuman men ham shaa,yar-e-bartar nikle mahr-o-maah se rutbe men ghaalib kabh?ee kam nah th?e meer janaab to roo-e-zameen hee peh akhtar nikle ban gayaa vahshee yeh insaan kee tauheen kaafee hai ai khudaa haiwaan nah ab insaan se behtar nikle dars-e-awwal hai siyaasat kee kitaab men yeh hee dil men heelah ho dahan se jh?ooth? aksar nikle micl-e-t^oofaan ph?ir se voh ab zindagee men aaye dasht-e-dil men dafn zakhmaat ph?ir se baahar nikle qulzum-e-a?shq men shanaavar th?e taveel a?rse se nikle to nikle magar lahoo se ham tar nikle jin ko farzand khoob sataayaa aur rulaayaa too ne voh hee aaqaa tere voh hee daad-gustar nikle

  Back to top

#12 — Imran Ali Asa har koye ussay daiknay kay leya baahar nikle kuch dewaanay too ja baja he mar nikle uss ke kuch khabar na thee mujhay achaanak maydaan ke taraf meri nazar nikle dorhta howa niklaa ussay daiknay kay leya maloom nahee howa kay hum kedar nikle pas kosheshooon say paaya aur apnaya ussay baad may unn ka bartaw kuch kamtar nikle ussay too paaya par abb hoon peshaymaan zakham-e-jegar deyae kay abb mera jegar nikle har zaveeyae say hum par naaz dekayae socha tha kuch magar kuch aur kar nikle jo asa kee aarzoo kahay wahee hay raahat aarzoo kehtee hai pehle dil-e- muztar nikle

  Back to top

#13 — Shahzad Warsi Shahzad tairay chahnay walay jismo jan her niklay ek yeh khaki hee nahi roh bhee magr niklay hazar ret jagon ka yeh sila milla hai mujeh urr gayee woh jiasay neend keh per niklay taraph ker lipet gayeh dar-o-baam say hem koyeh yaar say jeb janib-e shaher niklay pasban bnaya jinhon nay muhabbat ka hamein aee hai khabr who tairay bay qadr niklay sisak sisak hawa keh taphairay chaltay thay jiasay bay hengem tofan tloaey saher niklay macha tha ek shor o faga mairay under na ho gee kisi ko khaber jo rohey muzter niklay tmanna na ho shahzad koshishein kein mager arzoo kehti hai pehle dil-e-muzter nikle

  Back to top

Previous Winners

Copyright © 1998-2007. Mehfil-e-Mushaira. All rights reserved.