Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 21   May/June 2007

Misra-e-Tarah: tujhe kis tamannaa se ham dekhte haiN Rank Poet Pts. Location 1 Zeeshan Akhter Alvi 90 Rawalpindi, Punjab, Pakistan 2 Muhammad Aslam Fareedi 88 Karachi, Sindh, Pakistan 3 Wazir Hassan Wazir 86 Karachi, Sindh, Pakistan 4 Tanwiruddin Ahmad Phool 84 Albany, New York, U.s.a. 4 Muzaffar Muzaffar 84 New Malden (london), Surrey, England 6 Zubair Ansari Zubair 82 Kalpi, Distt. Jalaun, Uttar Pradesh, India 6 Syed Abu Turab Turab 82 Sharjah, Sharjah, United Arab Emirates 8 Syed Hamid Hussain Baaqri Haamidbaaqri 80 Bangalore, Karnataka, India 8 Najeeb Qasir 80 Karachi, Sindh, Pakistan 10 Yasir Farooq 78 Karachi, Sindh, Pakistan 11 Mohammedali Bhaidu Wafa 60 Brampton, Ontario, Canada 12 Abdul Muqtadir Mahak 54 Kalpakkam, Tamilnadu, India

#1 — Zeeshan Akhter Alvi chalo mil ke her gham ko hum dekhtey hei.n qadam se mila ker qadam dekhtey hei.n nahi.n yaad rehti woh zulf-e-girahgeer hawadis ka jab paich-o-kham dekhtey hei.n jab ik lafz per sir qalam ker diye jayei.n woh manzar bhi ehl-e-qalam dekhtey hei.n khuli aankh ehl-e-wafa ki hai jab se sitam pe baraabar sitam dekhtey hei.n hamei.n in ki had dekhni hai so hum yeh masayel na ranj-o-alam dekhtey hei.n yaha.n apni aankho.n mei.n khud aankh waaley yaqeen-o-tahiyur baham dekhtey hei.n woh ehl-e-nazar kaise bad-bakht hoo.n gay jo farq-e-khuda-o-sanam dekhtey hei.n tasavur se manzar talak tu hi tu hai abhi hum tujhey kam se kam dekhtey hei.n rukh-e-yaar per ab ke zeeshan kyo.n hum hadees-e-adaawat raqam dekhtey hei.n

  Back to top

#2 — Muhammad Aslam Fareedi sitam dekhtey hein karam dekhtey hein jo hum pe guzerti hay hum dikhtey hein tu dekhey na dekhey muger jane jana tujhay dil ki ankhon se hum dekhtey hein ghamon se wohi log manoos hongay jo din rat ranj-o- alam dekhtey hein na jane kahan jay gi bahki duniya jo halat khuda ki qasam dekhtey hein sar-e-auj-e-manzil wo pohanchengay kaise jo batil kay naqshay qadam dekhtey hein kuch is tarha se us ne zulfein sanwareen kay bikhray huwe pecho khum dekhtey hein humein yaad aatey hein hijrat kay lamhay ager hum kabhi chashm-e- num dekhtey hein sumbhal kar rahey zindagi say guzer na kay her gaam per zer-o-bum dekhtey hein sahafat pay shab khoon mara hay kisnay? sazaon ki zad mein qalam dekhtey hein bazahir haseen to bahut hein fareedi magar khaab chahron ko kum dekhtey hein

  Back to top

#3 — Wazir Hassan Wazir ajab tera chasham-e-karam dekhte hain jidher dekhte hain sitam dekhte hain mohabbat ki hum dastaa.n likhne wale tagyyur main loh-o-qalam dekhte hain pas-e-aaeena us ne kia rukh dia hai na tum dekhte ho na hum dekhte hain jidher dekheay khusksaali ka mosam kahi.n bhi na mitti ko nam dekhte hain wahi aik tanha sataish ke qabil sitaaro.n pe jiske qadam dekhte hain jise dekhne ki ijazat nahi hai wahi kuch khuda ki qasam dekhte hain wahi qatal-o-gharat ghari ka hai manzer halaku ka uncha a’lam dekhte hain sar-e-shaam sheher-e-nigaara.n main ja ker tujhe charsu ay sana’m dekhte hain khuda janta hai ke tu janta hai tujhe kis tamannaa se hum dekhte hain wazir ab unhe.n rehnumaai mili hai hameesha jo aankho.n se kam dekhte hain

  Back to top

#4 — Tanwiruddin Ahmad Phool na tum dekhte ho,na ham dekhte hain mahabbat mein kab paich-o-kham dekhte hain jo ulfat ke raste mein hote hain qurbaan na woh haasil-e-baish-o-kam dekhte hain thahar ibn-e-aadam!falak se malaaik tamaashaa-e-ahl-e-sitam dekhte hain zamaane ne kar li hai itni taraqqi har ik ghar mein ham jaam-e-jam dekhte hain sahaaraa usi ki hai rahmat kaa ham ko falak ki taraf dam-ba-dam dekhte hain zamaane mein ham apne dil ki nigah se khuda ko khuda ki qasam dekhte hain jo karta hai makhlooq-e-maula ki khidmat usi ko sadaa muhtaram dekhte hain shab-e-wasl woh tere dil kaa dharakna nafas kaa tire zeer-o-bam dekhte hain bataa phool!woh keon hai ghamgeen sahar-dam ke ham chashm-e-shabnam ko nam dekhte hain

  Back to top

#4 — Muzaffar Muzaffar gadaa mashq-e-ehl-e-sitam sekhte hain ghaneemat hai dast-e-karam dekhte hain siyaah zulf ke pesh-o-kham dekhte hain yeh zanjeer kaesee hai ham dekhte hain zamanah jise ku bah ku dhoondtaa hai use ka'bah-e-dil men ham dekhte hain naheen ranj-o-kulfat se aazaad koee sabhee ko giraftaar-e-gham dekhte hain yoon bazm-e-t^arab apnee weeran hoee hai nah mut^rib nah naghmah nah sam dekhte hain bigaara hai haal aesaa aashuftagee ne nikaltaa huwaa apnaa dam dekhte hain phate hain kaheen aablah paa-e-a'aashiq keh dasht-o-bayabaan ko nam dekhte hain nah guftah nah reh jae roodaad-e-ulfat sunaa kar yeh qissah-e-gham dekhte hain nah dekhe the aoraaq-e-dil yoon pareeshan sanwartaa huwaa in ko kam dekhte hain sar-e-t^oor layaa hai shaoq-e-ziyarat "tujhe kis tamannaa se ham dekhte hain" muz^affar muhabbat ne yeh din dikhaey tujhe khud se bezaar ham dekhte hain

  Back to top

#6 — Zubair Ansari Zubair kisee kee bhee aankhein jo nam dekhte hain karam kee taraf tere ham dekhte hain tera shukriyaa to har ek haal mein hai khushee dekhte hain na gham dekhte hain shab-o-roz, shaam-o-sahar, koi din ho tera sirf jalwaa sanam dekhte hain falaq na zameen, koh-o-saagar na jaanein tujhe kis tamannaa se ham dekhte hain jhukaa na sakaa jisko saaraa zamaanaa tere dar pe wo sar bhee kham dekhte hain meree kachchee deewaar hee nam naheen hai badan pattharon ka bhee nam dekhte hain pataakhon se darte the kal tak jo bachche ham unke bhee haathon mein bam dekhte hain unhein apnaa kahne mein dar lag rahaa hai hamaaree taraf wo to kam dekhte hain kiyaa hamko behis ye kaisee anaa hai khushee dekhte hain na gham dekhte hain naheen hai pataa inko mittee kee qeemat ajab hain ye daam-o-diram dekhte hain "zubair" apne baare mein likhne ko ab ham waraq dekhte hain kalam dekhte hain

  Back to top

#6 — Syed Abu Turab Turab sabhi har taraf se baham dekhte hain in aankhon mein duniya ko zam dekhte hain taraqqi ki kirnon ne kya kuch dikhaya ke ghar ghar mein ab jaam-e-jam dekhte hain tere aastan ki taraf hain rawan hum farishton ko bhi hum-khadam dekhte hain bayan kis tarah ho tere dar ki azmath jahan har bulandi ko kham dekhte hain khulega to nafrat ka toofan hoga jahan chahaton ka bharam dekhte hain kabhi zulmaton se rihai bhi hogi basad-yaas baab-e-karam dekhte hain mohabbat muravvat inayat saqawat zamane mein ab kam se kam dekhte hain bahut garm rehta hai bazar-e-iman dukanon mein deen-o-dharam dekhte hain sada tod dete hain usko ba-mae haath jahan par bhi haq-go qalam dekhte hain kiya hai ye ahsan ahl-e-sukhan ne jo hum haq ka ooncha alam dekhte hain qadam apne yeh sonch kar tum uthao tumhe kis tamanna se hum dekhte hian khilaen jo duniya mein ulfath ki kaliya yaheen par woh bagh-e-erum dekhte hain udasi mein gharqaab lagti hain duniya kabhi uski aankhen jo nam dekhte hain wafa karni chahi magar ho na paai turab aaj khakar qasam dekhte hain

  Back to top

#8 — Syed Hamid Hussain Baaqri Haamidbaaqri jahaan dekho zulmo sitam dekhtay hain hum insaaniyat kay alam dekhtay hain khuda nay kaha muttahid haukay jeenaa magar muntashir sabkau hum dekhtay hain jau parcham uthaaye hain insaaniyat ka hum unmein bhi insaan kam dekhtay hain sisakti hai insaaniyat aaj phir bhi kisee kau kisee ka nah hum dekhtay hain khabardaar hau jaayen zaalim jahaan kay nazaaray yeh ahlay qalam dekhtay hain chalo inquilaab aik laayen jahaan mein hamaari taraf ahlay gham dekhtay hain mohammed(sawaw)kay haamid say kehti hai duniya "tujhay kis tamanna say hum dekhtay hain"

  Back to top

#8 — Najeeb Qasir kahan kis taraf aur ham dekhte hain tujhe her taraf aey sanam dekhte hain mujhe ye gila hai ke ahle zamana tujhe meri aankhon se kam dekhte hain teri aank se dekhte hain jahan ko teri aankh ko jaame jam dekhte hain sarapa tera samne jab bhi aaey to maail ghazal per qalam dekhte hain agar ham qadam ho kabhi tum hamare to dunya ko zere qadam dekhte hain kisi rukh pe jab thehrti hain nigahain tumhi ko tasawwur mein ham dekhte hain nigahain milaain ke khud ko sanbhalain wo ham ko bachashme karam dekhte hain ye lagta hai bas ik tumhari kami thee ke ham ghar ko rashke erum dekhte hain wo khole huwe baal aate hain qasir nikalta huwa apna dam dekhte hain

  Back to top

#10 — Yasir Farooq unhain hai shikayat k hum dekhte hain hum apni nazar main, to kam dekhte hain usay dard hai , wo khushi bantta hai dukhoon ki bahar-e-karam dekhte hain ye kiya dard ka koi diwana-pan hai? bhatakta ise dil main ham dekhte hain kinare pe jo shae bhi rakkhi hoi hai usay aik khatre main ham dekhte hain is ummat k diwaane kaise yaqeen se baharoon k naqsh-e-qadam dekhte hain thakan aik , hoti hai bekaari ki bhi faraagat k kaar-e-sitam dekhte hain bataa dain to mushtaaq tum kiya raho gay? “tujhe kis tamanna se ham dekhte hain” ye ibleesi kaaz aur, kaarinde mukhlis bohat maq’sadiyyat main dam dekhte hain kara k wo qeemat ko kam, kitne khush hain koi gir gaya hai , ye kam dekhte hain ye kaisa hai emaan, ye kaisa yaqeen hai k hum khamushi se sitam dekhte hain

  Back to top

#11 — Mohammedali Bhaidu Wafa karam ki jagah par sitam dekhte hain are dost ye kya julam dekhte hain. kabhee chashme veeraan ko num hone dete parishaanae zoolfome gum dekhte hain. tagaful tumhara himalay bana hai tuze kis tamannase ham dekhte hain. koi jabra hai ya ye feetrat tumhari hamaaree taraf tum kum dekhate hain. badalana naheen ab koi besh padtaa khuli aankhse hum bharam dekhte hain. ajee hum to garveeda dedara ke the hai lanat jot tere qadam dekhte hain.

  Back to top

#12 — Abdul Muqtadir Mahak garibi main aur kya hum dekhte hain jidhar bhi nazar jaye gam dekte hain khushi ka bhi sapna agar humko aaye bas aankhon ko apni nam dekhte hain roshan hain mehfil ameero ki dekhon charaag apna hum to tam dekhte hain karam hi barasta tha khuda ke gharon main vahan par bhi ab to hum bam dekhte hain na ho khuwaish jisko duniya ki mahak bas khuwabo main yesa sanam dekhte hain

  Back to top

Previous Winners

Copyright © 1998-2007. Mehfil-e-Mushaira. All rights reserved.