Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 22   July/August 2007

Misra-e-Tarah: kyaa dil ke taRapne kaa uThaate haiN mazaa ham Rank Poet Pts. Location 1 Muhammad Aslam Fareedi 86 Karachi, Sindh, Pakistan 2 Dr. Naim Sahil 84 Allahabad, Uttar Pradesh, India 2 Zeeshan Akhter Alvi Zeeshan 84 Rawalpindi, Punjab, Pakistan 4 Waquif Ansari 82 Allahabad, Uttar Pradesh, India 5 Syed Abu Turab Turab 80 Sharjah, Sharjah, United Arab Emirates 6 Wazir Hassan Wazir 78 Karachi, Sindh, Pakistan 7 Faisal Mahmood Mir 76 Islamabad, Capital, Pakistan 7 Yasir Farooq 76 Karachi, Sindh, Pakistan 9 Tanwiruddin Ahmad Phool 72 Albany, New York, U.s.a. 10 Juzer Jamaly 70 Northridge, Ca, Usa 11 Akif Ghani 68 Garges Les Gonesse, Paris, France 12 Khurshid Rizvi Naiyer 64 Riyadh, Riyadh, Ksa 13 Zubair Ansari Zubair 50 Kalpi, Distt. Jalaun, Uttar Pradesh, India

#1 — Muhammad Aslam Fareedi deewangi -e- shouq main kartay hain ye keya hum sehra kay makino ko jo daitay hai sada hum ata hai usay zakhm laganay ka hunar khoob latay hain magar dil kay tarapnay ka maza hum allah takabbur say buhat karta hai nafrat is khauf se dhayengay ye deewar -e- anaa hum milti hai marizon ko shafa us kay karam say phir kyun na rahain muntazir -e- dast -e- shafa hum deewano zara tum hi karo fikr hamari arbab -e- khirad say to parishan hain sada hum halaat batatay hain kay toofan main ghiray hain per dil ko yaqeen kaisay dilaain ba khuda hum mashkook nigaahon say na dekho hamain janaan tora hai na toraingay kabhi ahd -e- wafa hum ai waqt kay munsif too hamain itna bataday kis gurm ki padaash main kaatain ye saza hum donon hi aseer -e- gham -e- dauraan hain abhi tak is qaid se hopaaye reha tum na reha hum jab chaak garibaan ke siwa kuchh bhi na tha pass kis terha chhupatay sar -e- mehfil ye qabaa hum jab dil se ta-alluq hi na qaayem thaa zuban kaa phir kaisay fareedi kay liyay kartay duaa hum

  Back to top

#2 — Dr. Naim Sahil patthar ko bhi dete hain zamane mein jilaa ham duniya ki nigahon mein hain aeenaa numaa ham har shai mein numayan hai tira jalva khudaya karte hain shab-o-roz tiri humd-o-sana ham ik tu hi zamane ki har ik shai pe hai qadir kaise na kahen tujhko yahan apna khudaa ham maula! hamein jo kuch bhi yahan tune diya hai mitne na kabhi denge ye ehsaan tiraa ham maan! teri mohabbat ka koi mol nahin hai kar hi nahin sakte hain tira qarz adaa ham manzil unhein har gaam pe deti hai sadaen bikhri hui taqat ko jo karte hain faraaham hathon mein hai qatil ke ab insaaf-e-adalat nakarda gunahon ki hi pate hain sazaa ham mana ki khuda uska nigehbaan hai 'sahil har doopti kashti ko magar denge sadaa ham

  Back to top

#2 — Zeeshan Akhter Alvi Zeeshan kartey hei.n baland apney liye dast-e-dua hum aur maangtey rehtey hei.n jaha.n bhar ka bhala hum kya kijiye hei.n dono.n hi paaband-e-qaza hum maamoor-e-jafa aap hei.n, majboor-e-wafa hum is dil ka kahin aur thikaana hi nahi.n hai jaayei.n to kaha.n jaayei.n tere dar ke siwa hum ik goonj si lot aati hai apni hi sada ki detey hei.n jo apno.n ko museebat mei.n sada hum taa-umr ko detey woh hamei.n qaid-e-mashaqat ae kash k ker laitey koi aisi khata hum tum apni jafao.n pe pashemaan na hona maanga hai na maangei.n gay wafao.n ka sila hum hum log k kehlatey hein ab rooh-e-zamana hairat hai k ho jayei.n gay ik roz fana hum zeeshan kahi.n apna bharam toot na jaaye karney ko chaley hei.n kisi apney se gila hum

  Back to top

#4 — Waquif Ansari hain teergi mein khirman-e-hasti ki zia hum zao rez nazar aaye sare karb-o-bala hum kya ahle-khirad khaak samachh paayenge humko hum khaak ke putle hain ke nooraani qaba hum chaaye ki dukaanon pe nazar aate hain aksar akhbaar liye haathon mein akhbaar-numa hum rakhte the miyan hum bhi shahanshahi ke jauhar haan dekhiye to aaj hain shaahon ke gada hum saakit hi nazar aate hain har aik amal se kyun aapko lagte nahin tasweer-numa hum "firaun"-wa-"shaddad" bane phirte hain kuchh log hargiz na kahenge kabhi aison ko khuda hum hal iska bataao zara hal dhundne waalo aazaadi-e-jamhoor mein aazaad hain kya hum roodaad raqam karte hain jab nok-e-qalam se har lafz ko de dete hain sholon ki adaa hum mumkin nahin girdaab mein gharqaab ho kashti dariya se utha laayenge toofaan-e-bala hum maqbool huye jaate hain ashaar ghazal ke "waquif" jo sunaate hain to dete hain dowa hum

  Back to top

#5 — Syed Abu Turab Turab kya dil ke tarapne ka uthate hain mazaa hum paate hian sazaa, par kiye jaate hain wafaa hum maloom na tha baad-e-ajal zakhm bharega ta umr abas karte rahe us ki dawa hum parwaz-e- takhayyul to bahut door talak thi us par bhi kabhi kar na sake uski sanaa hum aye zaad-e-safar rehbar-e-bedaar kahan hain batla de ke kab payenge manzil ka pata hum kyon aapne samjhi hain manaane ki zaroorat kya apni majaal aap se ho jaye khafa hum saaqi ne ujalon ka nasha bhar diya saara paimanae dil le ke le ke gaye the jo zara hum ho qalb-e-turab aur ujale hi ujale rakhte nahin khwahish koi bus is ke siwa hum

  Back to top

#6 — Wazir Hassan Wazir ham ahl-e-wafa log hain kerte hain wafa ham sikhlaate hain insan ko jeeney ki aada ham so baar ager berq nasheeman pe gire gee so bar hi rakhain ge nasheeman ki bina ham sachaai ki aawaaz yahaan kon sone ga dene lage weraan jazeere main sada ham logon ko koi or nai raah dikhaate moosa ki tarha haath main rukhte jo a'sa ham kochey main sar-e-shaam hi pheele ga andheera ye soch ke dehleez pe rukhte hain dia ham mujrim to kisi haal main pakra nahi jaata na kerda gunahon ki uthaate hain saza ham rehber ke libade main nazer aatey hain rehzan ab kis ko banain ge yahan rahnuma ham jo log ke sehra main rehe dhol uraate pochen ge unhi logon se manzil ka pata ham berson ke jo ghumkhwar they perdes gay sab dekhen ge akela yahan selaab-e-bala ham aankhon main uter aata hai saawan ka maheenaa kyaa dil ke tarapne kaa uthaate hain mazaa ham nafrat ka wazir aaj ye sayaa nahi hota gar hote zamane main mohabbat ke khudaa ham

  Back to top

#7 — Faisal Mahmood Mir her gaam pe ker laitey hein ik hashr bapa hum "kya dil ke tarapney ka uthatey hein maza hum" ik doojey se hoon door to rehtey hein faqat aik hotey hein gyaara jo yeh mil jaatey hein baa-hum ehsaas-e-adaawat ne naya lutf diya hai naakaam muhabbat ko samajhtey they saza hum mehfil mein woh kuch aur hein, tanhai mein kuch aur hairaani se taktey hein her ik roop naya hum is shehr mein kehlaati hai jo ronaq-e-muhfil aankhon mein liye phirtey hein woh shokh ada hum majrooh dil-o-jaan to maayoos hein sochein ae mir kiye detey hein khud ko hi fana hum

  Back to top

#7 — Yasir Farooq ye kis ki tabahi ki banaate hain fizaa ham? mashriq main chalaa bethey hain maghrib ki hawa ham aisi bhi gali hai k hain mamnooa' jahan ham sun loo k esay samjhe hain maa'mooli sazaa ham kuch paas-e-khamoshi jo na rakh paaein mere haath dil apnaa uthaaey howe kerte hain duaa ham 'main' ki jo lagaoo gay aawaaz jahan main aaey gi muqaabil se yahi aik sada 'ham' kaisa hai ye jalnaa k abhi tak hain salamat bersoon se mager khud ko samajhte hain diya ham

  Back to top

#9 — Tanwiruddin Ahmad Phool dete hain wafaa hi se jafaaon kaa silaa ham kyaa dil ke tarapne kaa uthaate hain mazaa ham mizraab har ik saans hai saazeena-e-dil par dil soaz taraane hi sunaate hain sadaa ham is mein na koi jeet,na hai haar kisi kee aao gale mil jaaien muhabbat se yaan baaham dil ishq se jo zinda ho martaa naheen hargiz is raah mein mitne ko samajhte hain baqaa ham sargoshi ke jawaab mein surkhi hayaa ki hai yoon daikhte aariz pe hain aasaar-e-henaa ham ham laaye hain aie doasto! tanweer-e-muhabbat mahfil mein isi noor se karte hain zeyaa ham ham yoon to talabgaar-e-enaayat hain shab-o-roaz kyaa hukm-e-khudaa dahr mein laate hain bajaa ham? gulshan mein kahaa phool ne khilte hi sabaa se ik din ke liya aaye hain aie baad-e-sabaa ham

  Back to top

#10 — Juzer Jamaly kyaa dil ke tarapne kaa uthaate hain mazaa ham karte hain unhen zulm kaa har mauqa faraaham ham sehte hi jaate hain jafaa.on ko khusi sey is baat pe aksar unhe.n paate hain khafaa ham milta nahin sau baar talaashaa hai agarche kuchh aise bhulaa baithey hain ab dil kaa pataa ham hote hai.n kabhi qatl nigaaho.n se jo unki aankho.n se unhe.n dekh ke paate hai.n shifa ham jab ho hi chuka ham se hai yeh jurm-e-mohabbat phir rona hai kyaa? kaate.n ge ab uski sazaa ham bakhshe hai jilaa rooh ko jab uski mohabbat phir usko sanam kyo.n kahe.n aur kyo.n na khudaa ham

  Back to top

#11 — Akif Ghani rehney lagey khud aap hee apney se khafa ham "kia dil key tarapney ka uthatey hain maza ham ik jurm e wafa ham ney bhee duhraya bar bar us jurm ki padash mein patey hain saza ham woh teer nigahein jigar key par ho gayeen bhooley naheen mehboob ki koyee bhee ada ham ham tau wafa shia'ar hain so mere dosto ahle jafa bhee ho kayee kartey hain wafa ham ghaltan hain tiree yaad mein ham sham e sahar yan japtey hain tire nam ki mala ay piya ham aa jao intezar ki ghariyan hooyeen mahal aisa na ho keh raah mein ho jaein fana ham panchee hain ham bahar key akif ghani yahan atey hee fasl e gul key hooey naghma saraa ham

  Back to top

#12 — Khurshid Rizvi Naiyer kah kar ke haal e dil tumhen kar baithe khataa ham kuchh kar bhi na sakte the magar iske sewaa ham yoon phool hasinaon ke lab se nahin jharte jab ishque karenge tabhi paenge silaa ham ek lams ke ehsaas pa karte hain safar taye tum phool ho or bahti huyee aik hawaa ham dil per tere kiya guzri qadam bol pare hain jab parde ke ispaar se main ne ye kahaa ham paas aake zihanat se mukarne ki adaa par ay jaan e tamanna hue sau baar fanaa ham main ab bhi waheen aek mujassam sa khadr hun jahan tum ne kaha tha chalo hote hain judaa ham darya ke kinare usi aawara ghazal ko jab chandini phatti hai to dete hain sadaa ham aye kaash tujhe bhi ho kisee sang dil se pyar dil sang dil pa waar ke karte hain duaa ham tishna labi men jaam ko thokar se gira kar "kyaa dil ke tarapne kaa uthaate hain mazaa ham "naiyer" hamari baat ka mat manyo buraa tum se hai pyar is liye karte hain gilaa ham

  Back to top

#13 — Zubair Ansari Zubair har gaam tere ishq mein paate hain sazaa ham kyaa dil ke tarapne kaa uthaate hain mazaa ham donon hain apne ahad ke paaband is qadar tum be-wafaaee karte rahe aur wafaa ham unko naheen hai naam talaq yaad hamaaraa khaatir hain jinkee ho gaye barbaad-o-fanaa ham mar jaayein magar ghair ke hargiz naheen honge ab tak na bhulaa paaye hain waadaa wo teraa ham taufeeq itnee mere muqaddar ko kar ataa karte rahein taa-umr teree hamd-o-sanaa ham koodaa ho saron pe yaa ki nezon pe hee sar ho dushman ke haq main bhee hain rahe karte duaa ham shaair to zamaane mein hain laakhon huye "zubair" ban paaye na ghaalib na hee ban razaa* ham. ------------------ *imam ahmad raza khan faazile barelvi jinhein log aalaa hazrat ke naam se jaante hain. aapke deewaan "hidaayet-e-bakhshis" ka ek-ek sher eemaan ko taazaa karne waalaa hotaa hai -- zubair ansari

  Back to top

Previous Winners

Copyright © 1998-2007. Mehfil-e-Mushaira. All rights reserved.