Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 23   September/October 2007

Misra-e-Tarah: dekhaa is beemaaree-e-dil ne aaKhir kaam tamaam kiyaa Rank Poet Pts. Location 1 Zubair Ansari "zubair" 80 Kalpi, Distt. Jalaun, Uttar Pradesh, India 2 Khurshid Rizvi Naiyer 74 Riyadh, Riyadh, Ksa 3 Tanwiruddin Ahmad Phool 70 Albany, New York, U.s.a. 3 Wazir Hassan Wazir 70 Karachi, Sindh, Pakistan 5 Dr. Naim Sahil 64 Allahabad, Uttar Pradesh, India 5 Muhammad Aslam Fareedi 64 Karachi, Sindh, Pakistan 7 Tajwer Sultana Tajwer 52 Manama, Manama, Bahrain 8 Kalim Hazique Kalim 48 Howrah, West Bengal, India 8 Ali Imran 48 Shujabaad, Panjab Multan, Pakistan 10 Ahsan Purikpa Shaargo 46 Karachi, Sindh, Pakistan

#1 — Zubair Ansari "zubair" paano se ghunghroo kholne par bhee logon ne badnaam kiyaa dekhaa is beemaaree-e-dil ne aakhir kaam tamaam kiyaa teree mohabbat ne jab mujhko galee-galee badnaam kiyaa dhan aur daulat cheez hai kyaa jaa dil bhee tere naam kiyaa bhaarat maataa kee aankhon se khoon ke aansoo bahne lage dropadee ko bharee sabhaa mein jab hamne neelaam kiyaa bazm mein unkee kah na sake kuchh sookhe-pyaase mere lab itnaa bataa de kyon saaqee ne pesh na mujhko jaam kiyaa ranj-o-alam ke baadal chhaaye, maazee kee jab yaad aayee aankh mein aansoo bhar-bhar aaye dard ne jab kohraam kiyaa hairat kee jab aankh ne dekhaa, hairat se munh takne lagee aaj bharee mahfil mein kisne apnaa jalwaa aam kiyaa tanhaaee, ruswaaee, furkat, aanhein, aansoo, dard, ghutan jalte huye ahsaas ne mere ek pal na aaraam kiyaa duniya ne gujrat ko dekhaa bheegee-bheegee aankhon se firqaa-paraston ne bhaarat mein jab-jab qatl-e-aam kiyaa dil mein hazaaron armaan jaage, aankhon mein bhee khwaab kaee qaasid ke haathon se rawaanaa jab hamne paighaam kiyaa jaanib-e-sahraa josh-e-junoon ne jab bhee barhaaye apne kadam kaanton ne chhaalon kaa swaagat mere ek-ek gaam kiyaa sabr ne hamko hauslaa bakhshaa ranj-o-alam sahne kaa “zubair” zikr tumhaaree jor-o-jafaa kaa sub-ho kiyaa na shaam kiyaa.

  Back to top

#2 — Khurshid Rizvi Naiyer jisne pheka ham par patthar jisne hamen dushnaam kiya zat ka apni harj kiya aur aap hi khud badnaam kiya hamne kabhu na bazm men tere tazkirahye aalaam kiya shama ke manind jale kabhi parwaane ka kaam kiya lahu jigar ka dekar tera gulshan lala faam kiya tere bikhre zulf sanware kab hamne aaraam kiya pyar, muhabbat, ghazlen, nazmen sab kuchh tere naam kiya mahfil ke aadaab sikhaaye husne takallum aam kiya ham to thahre aishq ke taaer sabaq har ek ja aam kiya bemaqsad na dasht se guzre aur na darya raam kiya subh kalisa men hai guzara aur mandir men shaam kiya jab masjid ki jaanib dekha sab ne hamen badnaam kiya sakht tthi tobah phir bhi teri khatir do do jaam kiya par jab aayi teri baari kab tum ne ekraam kiya tum ne kiya saheb wa salam mere badon ko hamne bhi tere pita, dada, bhai ko jhuk jhuk ke parnam kiya "naiyr" teri baat nirali pyar, muhabbat,auns, wafa shafqat,akhuat, ulfat, chahat kiya kiya naa paighaam kiya

  Back to top

#3 — Tanwiruddin Ahmad Phool khair-e-umam ham kahlaate hain lekin kaisaa kaam kiyaa apne tarz-e-amal se ham ne mazhab ko badnaam kiyaa tukre tukre ho gaye muslim,apne deen kaa mehwar bhee qur'aan-o-sunnat ki bajaaey taareekh-e-islaam kiyaa apne nabee kaa uswaa dekho,rahmat-e-aalam un ki zaat khush khuqi har aik se ki aur dars-e-muhabbat aam kiyaa khaal par us ke haafiz ne to do do shahron ko bakhshaa but khaane se hindoo niklaa aur aa kar parnaam kiyaa koi kahaan hai,koi kahaan hai,aadam ki aulaad ko dekh raakh uree hai kis ki hawaa main,kis ne kahaan aaraam kiyaa jaanain apni lailaa majnoon,sheereen aur farhaad ne deen ulfat ke raste main mar kar khud ko khush anjaam kiyaa meer tumhain maanaa hai sab ne phir bhi tum yeh kahte ho dekhaa is beemaaree-e-dil ne aakhir kaam tamaam kiyaa baat yeh parde ki hai lekin tum se yaar chhupaanaa keyaa jaane kitne paapar bele tab us but ko raam kiyaa pahle us par kam thi raunaq,saada saada saa mukhraa phool ki qurbat hi ne dekho,us but ko gulfaam kiyaa

  Back to top

#3 — Wazir Hassan Wazir derd-e-mohabbat berh janey sey aik pal na aaram kiyaa dekhaa is beemaaree-e-dil ne aakhir kaam tamaam kiyaa mujh se mere yar na pocho hijir ka aalam kaisa tha taarey gin gin subah kia aur aanso pee ker shaam kiyaa taaro.n ki tanveer se lekar zarro.n se mehtaab talak us ke bus me.n jo kuch bhi tha who sab mere naam kiyaa aik hi pal me.n zuhd-o-i”badat sari us ki khak hui be sajda reh janey ka jo dil me.n khayal-e-khaam kiyaa yaad ki chaader orh lia aur kitni raate.n beet gai.n jis din phela aankh me.n kajal logo.n ne badnaam kiyaa jurm hua tha oro.n se or qatal kia tha oro.n ne.n munsif janey kaisa tha a”id mujh per ilzaam kiyaa jin me.n thi perwaz ki qowat gulshan se woh nikal gay be bus they jo punkh pekheru un ko zer-e-daam kiyaa ghous qutub ki wadi me.n aik or halaku aaya hai surkh kia hai dajla ko bughdad me.n qatal-e-a”m kiyaa mekhaaney me.n rind sabhi meri khatir jub roth gay saaqi phir majboor hua or merey hawaley jaam kiyaa me.n ne wazir ye socha tha kuch or tamasha deakhe.n gay mere apney logo.n ne ye mansoba nakaam kiyaa

  Back to top

#5 — Dr. Naim Sahil ishq-o-muhabbat ki duniya mein jab bhi kisi ne naam kiya aake farishton ne ik shab ko uske ghar aaraam kiya aage badh kar dil walon ne uska khush-ikraam kiya dushman ki har ik saazish ko jab usne nakaam kiya ek-ik karke saari uljhan jazba-e-dil ke naam kiya maine khud hi apne dil ko aksar be-aaraam kiya gosha-gosha mahek utha yaan mere dil ke aangan ka maine jab bhi zikr tumhara dil se subh-o-shaam kiya maazi ke auraak palat kar maine bhi ye dekh liya nafrat karne waalon ne kab ulfat ko badnaam kiya wo jannat ki hoor nahi thi ik mamuli ladki thi apni adaaon se ik pal mein jisne mujhko raam kiya uski aankhon ke jaadu ne neend churai raaton ki meri janib dekh ke usne jab bhi mujhe salaam kiya duniya ke har khitte mein teri shohrat ke charche hain tere mukhalif poochh rahe hain aisa bhi kya kaam kiya saari duniya samajh chuki hai is kadvi sachchai ko gulshan ke rakhwaalon ne hi gul ko be-andaam kiya jo munsif tha uski aankhen dekh rahi thin zaalim ko uski adalat ne ik pal mein kharij har ilzaam kiya ab chahe jis samt le chale saath usi ke rahna hai maine apna sab kuchh ‘sahil’ ik dariya ke naam kiya

  Back to top

#5 — Muhammad Aslam Fareedi raz ko raz na rakha usne akhir tashbaam kiya dil ke sachay rishtay toray or hamain badnam kiya ain ebadat jaan k hum nay mehnat or mazdoori ki sham dhalay jab ghar aye tu khush ho ker aram kiya janay kiya samjhoota ker k qaidi khudh azad howa barson se sighiy-e-raz main rakha phir tehreer ko aam kiya khood ko bhola ke tujh ko bhola doon lakin us dum kiya hoga tere yaad main dil main koi berpa ger kohraam kiya ezat-e-nafs ke khatir usnay apni zuban kholi na kabhi apnay balbotay per khudh hi apna uncha naam kiya tera rasta taqtay taqtay umer khuch is terha guzri sham se leker subh kiya or subh se leker sham kiya husan ki ghari chal se bachna itna asan kaam nahin nadan dil ko akhir us ki zulf na zer-e-dam kiya batain kernay ki jo tamanna dil main thi wo pori hoyee us but-e-kafir ko mushkil se akhir main nay raam kiya aisa zakham lagaya jis ki koi dawa mojood na thi uski zehreeli ankhoon main dil ka kaam tamaam kiya us anjane shaks ki is harkat per main heran howa pehlay mere soorat dekhi phir bharpoor sallam kiya koi tu humdard bhi hoga is bemaar fareedi ka jis ki dua na sehat bakshi jis ki dawa na kaam kiya

  Back to top

#7 — Tajwer Sultana Tajwer dekha is beemaree-e-dil ne aakhir kaam tamaam kiya jnoon wa fsoon aah-wa-foghan tasht az baam kiya kitabon ke shahar se jab se lauta hoon tanha hoon hairat ki aankh ne har rishta hai tamaam kiya is daur main sunne walon se kehne wala ooncha hai rozgar-e-ta`bdari main zaban ne hai araam kiya meree hatheli ki tareekh per tere wa`dey qissey mahram hain bras bras seench kar tera naam aaj haraam kiya taraqqee ke darwazon se chalo nikal aayen baahar bahut din huye hamsaaee se jo dooa aur salaam kiya

  Back to top

#8 — Kalim Hazique Kalim shakh-bdan par xhola dahka lams-e-talab ne kaam liyaa shabnam ne khud munh dho daley sholay ne aaraam kiyaa duniya walon ki qudrat main kab tha mera hus-e-zan apne khaboon ki jannat main jab chaha aaraam kiyaa wadi wadi ghoom aaya lekin us jaisa koyee na tha us ney to di mujhey mosarrat main ne hi aalaal kiyaa khwahish ka sailaab bahut zoron per tha per main ne bhi us wahshi ko kis jur-a-t se apne zer-e-daam kiyaa subh ki roopahli dastak per suraj bhi nikla saj kar raat gazeeda ne lekin mahroomi se hi kaam liyaa

  Back to top

#8 — Ali Imran hum ne uska bhi dil se ehtraam kiya baarha jis ne hamein baz'm main badnaam kiya hum se pochey ju kisi ne khushi k my'ni hum ne honton pe fakhar se tera naam kiya qandeel-e-wafa khoon-e-jigar se hai jalae be-lau's muhabbat ne bhi kiya kaam kiya zindagi tujhko khabar ho nahi sakti iski kis tarah tujhko basar main ne subh-o-shaam kiya safha-e-zeest pe kis ne hain utaarey jugnoo haan! meri maan ki duao'on ne yeh kaam kiya zindagi main tu na thi koe bhi fursat ki ghari mar k bhi hum ne ghari bhar ko na aaraam kiya zabt ki rooh pe zakhmoon ka tasalsul kiyoon hai kiya din tum ne ghareeboon ki tarah shaam kiya ? shab-e-zulmat main jalaey hain baghawat k charaag bari mushkil se ujaloon ko sar-e-aam kiya

  Back to top

#10 — Ahsan Purikpa Shaargo dekhaa is beemaaree-e-dil ne aakhir kaam tamaam kiyaa mai nay apna saara kuch hee zaalim tere naam kiya mai nay tere pyar ki khaatir jaanay kitnay dukh jhailay par tu nay hee pyar ko mere jaane kyon badnaam kiya jaane kub say dhoond rahi hain meri yeh pyasi nazren lekin tu na aaya or mai nay subha say shaam kiya ab tujhko mai chhorh chuka hun yaad nahi karta hun ab ahsan ab apnay dil ko jaakay mai nay aaraam diya

  Back to top

Previous Winners

Copyright © 1998-2007. Mehfil-e-Mushaira. All rights reserved.