Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 8   May 2005

Misra-e-Tarah: dafn jab Khaak meN ham soKhtah-saamaaN hoN ge Rank Poet Pts. Location 1 Tanwiruddin Ahmad Phool 78 Karachi, Sind, Pakistan 2 Muhammad Aslam Fareedi 76 Karachi, Sind, Pakistan 3 Sajid Warsi Sajid 70 Karachi, Sind, Pakistan 4 Muhammad Nooruddin Mauj 66 Karachi, Sind, Pakistan 5 Aneela Mahmood Qarar Jafree 64 Karachi, Sind, Pakistan 5 Shehzad Hanif 64 Multan, Punjab, Pakistan 7 Ateeq Khan Saba 62 Shahjahanpur, Uttar Pradesh, India 7 Muhammad Obaidullah Sagar 62 Karachi, Sind, Pakistan 9 Muhammad Usman Qaiser 60 Karachi, Sind, Pakistan 9 Sajid Hashmi Sajid 60 Rajgarh (biaora), MP, India 11 Akif Ghani 58 Garges Les Gonesse, Paris, France 12 Khurshid Rizvi Naiyer 52 Riyadh, Saudi Arabia 13 Jhony Penta Tashna Ahmedabadi 50 Kinshasa, Democratic Republic of Congo 14 Mona Saeed Manzar 48 Karachi, Sind, Pakistan 15 Muhammad Irfan 44 Gujranwala, Punjab, Pakistan

#1 — Tanwiruddin Ahmad Phool Click above for audio (MP3 format) Ham ko maaloom hai yeh aap bhi giryaan honge Dafn jab khaak mein ham sokhta saamaan honge Taaziyat kelie ghar par na hamare aaien Loag is baat par angusht ba dandaan honge Dasht-e-ghurbat mein jawaani hai guzaari jis ne Us ke dil mein bhi machalte hue armaan honge Lauh-e-mahfooz pa tha zikr-e-Halaaku wa Yazeed Qudsi hairaan thai kia aise bhi insaan honge! Aap bakhshain ge khataaien jo raqeebon ki to ham Apni na-karda gunaahi pa pashaimaan honge Khaab ki waadi mein manzar jo nazar aate hain Kutub-e-maazi ke auraaq-e-pareeshaan honge Too ne ghawwas-e-sukhan paae hain mooti lekin Kitne naayaab guhar bahr mein pinhaan honge Dil ko jazbaat-e-mahabbat ne hai afgaar kiya Apne is dard ka woh aap hi darmaan honge Gulshan-e-sheir mein aaieen hain bahaarain kaisi PHOOL!ummeed hai ghunche bhi ghazal khaan honge

  Back to top

#2 — Muhammad Aslam Fareedi jab teri bazm-e-tamnna mein ghazal-khan hongay ham teray chahn-e-waalon mein numanyan hongay dard hoga na kabhi saans ki hajat hogi dast-e-aazar key tarashey huay insaan hongay khaab ki lehr ho yaa aalam-e-bekhabiho hum to her lamha teray saath aie jaana hongay keya khaber thi ke muhabbat key samander itnay! misley ehsaas teri zaat mein pinhaan hongay dast-e-shafqat to khudara koyee rakhhay sar par jinka koyee bhi naheen wo to pareeshaan hongay gardish-e-waqt ney badlay hain meray khaddo-khal meri tasweer jo dekhyengay wo hairaan hongay jinko maloom hai mazloom ki aanhon ka asar zulm kay naam say wo saaray guraizaan hongay munsif-e-waqt ko laayengay katehray mein zaroor jab kahbi hum teri bastee key nigehbaan hongay jinkaa maazi na koye haal na mustaqbil ho aie Fareedi wo koye aur hi insaan hongay

  Back to top

#3 — Sajid Warsi Sajid Waqt burham ho to Puray KahaN arman hongay. PaaeNgay hum na sokooN bulkay parishan hongay. Dust-e-purkhar ki Zahmat bhari Tanhaai Main. Chaak dil Chaak Jigar Chaak Gariban hongay. Saath lay Jaingay Qirtas-e-amal Hum apnay. Dufn jub khaak main hum Sokhta Samaan hongay. Kum nagahi say mujhay daikh nay walay ekdin. Meri Qismat kay sitaray bhi daraksha hongay. Yeh Zamana to sada Aik Saan rahta hi nahi. Hansnay Walay Bhi Kabhi Maa-e-lay Giryan hongay. Tum nay Daikha Hay jinhay Shabh Kay Safar mai roshan. Ab Sitaray woh KhaN Din MaiN NomayaN hongay. Naz Sujday pay ghalat hoga tumhara Sajid. Tum say Kitnay Hi Yahain Sajda GuzaraN hongay

  Back to top

#4 — Muhammad Nooruddin Mauj Haath main jab bhi tumharay meray damaaN hoNgay. Qissa-e-ishq ke kuch aur hi unwaaN hoNgay. Dekhna ahl-e-janooN raqs-e-badamaaN hoNgay. Sar hamare jo chiragh-e-dar-e-iwaaN hoNgay. Ghar banate howay ham ne to yeh socha bhi na thha. Apne hi ghar main hamiN bay saro samaaN hoNgay. Kam se kam haath milana hi gawara kar lo Laut jauNga to ihsaas pashemaaN hoNgay. Ham jo pitay haiN to pher hosh maiN aajatay haiN Jo bahak jatay haiN pi kay to who nadaaN hoNgay Jinki tasbeeh kay danoN say boo-ye-mai aaye Zahid-o-shekh who kiya khaak musalmaaN hoNgay Mauj ejaz hai urdu ka hami ko haasil Ham ke jis bazm maiN jayeNgay numayaaN hoNgay

  Back to top

#5 — Aneela Mahmood Qarar Jafree shola-e-husn sey terey kai be-jaa.N hon.ge aankh kay saamney phirr maut kay saamaa.N hon.ge hasrat-o-yaas pey rotey huey insaa.N hon.ge "Dafn jabb khaak main hum sokhta saamaa.N hon.ge" aaj phirr tu ne nA deikha ye naI baat nahi.N abb her ik baat pe teri nahi.N heiraa.N hon.ge zakhm yoon dil ka hara hei kay naya ho jaisey yey bhi abb zeest pe meri terey ehsaa.N hon.ge abb bhi ye tarz-e-taghaful hei meri jaan-e-aziz abb na chahat kay kisi aor ko armaa.N hon.ge doston ne to lia Chhein merey dil ka "QARAAR" kia kahon kaisey merey dard kay darmaa.N hon.ge

  Back to top

#5 — Shehzad Hanif yeh alag baat hey ham par na ayaan hongey ishq key bab mein asrar tou pinhaan hongey meri palkon pey sajey askhon ki tabani sey mehr-o-maah kitney hi albatta farozan hongey chot abkey jo lagi hey tou kasak bhee dooni sangrezon mein sey kuch janib-e-yaraan hongey aap chup jaye gee yeh jism ki uryaani bhee dafn jab khak mein ham sokhta saman hongey jin ko thokar pey na rakha kabhi sahib hamney abb woh gardaab sabhi shorish-e-douran hongey jurm ki bekh kuni key leay tey payaa hey bey gunah-sarey key sarey pas-e-zindan hongey mein key samjha tha sabeeh baais-e-aazar jinhein abb woh aalaam m'ri rooh ka darmaan hongey

  Back to top

#7 — Ateeq Khan Saba Bahami pyar - o - mohabbat ke jo saman honge Har taraf mulk mein phir jashn -e- Baharan honge Aur aa sakte hain toofaan sunami jaise Hum jo ab bhi na gunaahon pe pasheman honge Apni manzil pe bhala kaise pahunch payenge woh Rukh pe aasaar -e- thakan jinke numayan honge Kya khabar thi ki gala kaat ke rakh denge mera Wohi ahbaab jo nazdeek -e- rag -e- jaan honge Hum junun mein bhi wazadari ko rakhte hain azeez Dekhna hum na kabhi chaak gareban honge Lab kushaayee pe agar ho gaya majboor " saba" Kitne hi chehre bhari bazm mein uriyan honge

  Back to top

#7 — Muhammad Obaidullah Sagar Jin say dunya kay makeeN girya-o-naalaaN hoNgay keya Khabar thee kay wohee loog nigehbaaN hongy Bahamee fikr say roshan kayee imkaaN hongay Jab haqeeqat maiN dhalaingay to numaayaaN hongay is purasrar jazeeray say na guzro logo! deep ashkoN kay munawwar sar-e-mizgaaN hongay Haal kay haal say mujhko yeh gumaaN hotaa hai jetney gulcheeN haiN sabhee khar-e- moghilaaN hongay merey bebaak tayaqqun kay saharay to chalo ahl-e-edrak bhee uNgusht badandaaN hongay jinki tahreer maiN mun mohnee nudrat hogi buzm-e- khubaaN maiN wohee log numaayaaN hongay hoslay aur mehun ki hai zaroorat sagar raastey jetney kathin haiN sabhee aasaaN hongay

  Back to top

#9 — Muhammad Usman Qaiser Robaro jab merey woh paikar-e-tabaan hongay khana-e-dil key sabhi gowshey frozaan hongey hijr ki shab mey sitaaron ki zaroorat kia hai ab to zulmat mey chiragaan sar-e-mizaan hongay munsif-e-waqt agar chhor dey bikney ka amal shahr key sarey hi majrim pas-e-zindaan hongay shddat-e-karb ka ehsaas onhey tab hoga piyaar mey jab woh asir-e-gham-e hijraan hongay onki diljooye bahartowr moqaddam rakhiey shaad woh hongay to khod aap bhi shaadan hongay hum pe ho jaayega ekdin koyee dushman hawie yon haue aapas mey agar dast-o-garebaan hongay sabz-0-shadaab nazar aayain agar barg-o-shajar sorkhroo dahr mey ham ahl-e-gulistaan hongay apni tahzeeb ka KISAR na howa hum pe asar aadmi ban na sake khak ham insaan hongay

  Back to top

#9 — Sajid Hashmi Sajid Kooch-e-dil me kabhi aap jo mehmaan honge Ronaq-e-bazme sukhan ronaq-e-irfaan honge Khak taiba ki male chaak gereibaan honge Unke deewaane hazaaron me numaayaan honge Jo bayaabaan nazar aatein hein gulistaan honge Aapse maangne wale bhi to sultaan honge Ya wo aadam ho ya moosa ho ya eisa jo ho Aapki zaat ke her aik pe ahsaan honge Dooriyaan door rahein paas ho qurbat unki Kab mukammal dil-e-maasoom ke armaan honge Janta houn mein shifa ka wohee zariya honge Roz-e-mehsher me wo hee dard ka darmaan honge Wo bachaaein to bhala kaise safeena doobe Unke mangton pe meherbaan hi toofaan honge Jo shifa denge yahaan aur maseeha honge Unke tukrhon pe pale unse darakhshaan honge Tou sukhanwer hai to hai dain unhee ki SAJID Tou sana unki likhega wo meherbaan honge

  Back to top

#11 — Akif Ghani Dil jo jazbat e muhabbat se yoon khandan hoon gey Dehar mein jeenye key phir deikhna saman hoon gey Uthetey jaein gey qadam janib e manzil un key Zinda rehnye key jo har hal mein khahan hoon gey Us key hoontoon peh bazahir tau tabasum hoga Jab woh bicharey ga tau ansoo sar e mizgan hoon gey Kis ko maloon tha rastey mein mere humrahi Gham e janan gham e doran gham e hijran hoon gey Teri faryad ki laey ko bhee khuda sun ley ga Pooery ik di tere Akif arman hon gey

  Back to top

#12 — Khurshid Rizvi Naiyer Sath na gool na badan or na badamaaN hoNge Dafan jab khak meN ham sokhta samaaN honNge Mashrabi meN to bahut saath haiN peene waale Tishnagi meN inheeN ahbaab meN tanhaa honge Woh kahaN dasht-e-joonooN ho ke jahaN manzil or Maslehat, sood o zeyaN ke koi imkaaN hoNge Sahebe zar huwe mashhoor ke shoqueeN haiN bahoot Dile muflis meN jawaaN bhi to yeh armaaN hoNge Uth gaye bazm se ham tere to aye jane jahaN Log to hoNge bahut par na woh insaaN hoNge Sume quatil ko jo tiryaaq bata kar dede Woh bhala kaise tere dard ke darmaaN hoNge Karke ruswa sare baazaar yeh tashheer kiya Or kiya kiya bhala us par mere ihsaaN hoNge Jab bhi tum ruthe khulaa mugh pa kai bab-e-ghazal Is se behtar na karam aye karam farmaaN hoNge Dil meN rakh Aquaa-o-Moula ki sada beem-o-raja Bakhsh deNge Woh sabhi jo tere isyaaN hoNge

  Back to top

#13 — Jhony Penta Tashna Ahmedabadi naaji hone ke mere us ghaRhi imkaaN hoN ge jab nabi aur Ali mujhe pe maherbaaN hoN ge roz e mehshar kaa mujhe Dar nahiN koi waaez mere shabbir mere dard kaa darmaaN hoN ge ab bhi mushkil meN liyaa karte haiN naam e haider chaahne waale tere phir kyoN pareshaaN hoN ge pehle insaan tau ban jaao ai kalamaa goyoN baad meN kehnaa ki ham achhe musalmaaN hoN ge haal apanaa bhi tau haivaan se behtar haiN kahaaN roz ye sochte haiN, ham bhi kab insaaN hoN ge tab kahiiN jaake zamaane ki khulegii aaNkheiN dafn jab Khaak meN ham sokhtaah saamaaN hoN ge wo tau maa baap they, bachhoN pe nichaawar ho gaye samjhe aulaad bhi, kuch unke bhi armaaN hoN ge aaj bhi daher meN kuch log bhalaa karte haiN 'tashna' wo log magar saaheb e imaaN hoN ge

  Back to top

#14 — Mona Saeed Manzar dafn jabb khaak main hum sokhta saamaN honge sang lehad main liey kitney hi armaaN honge mehfil-e-yaaraaN se gureiz ba'is-e-ruswaI hei jaaney pehchaaney her ik simt main anjaaN honge wo kabhi hans kay miley hum se to phirr ik hum hi naheeN aor bhi heiraaN honge koch iss tarah zikr mansoob hei unsey apnaa jahaN jeingey wo hum bhi to mehmaaN honge ik nazr deikh liya gerr un jadoo nazr aankhoN ney hansney waley hain jo khud chaak geribaaN honge abb naheeN suntey jo saadayein wo hamari apney kiey pe aap wo pashemaaN honge na koi lafz-e-vidaa keh na abhi haath milaa mit jeingey terey rukney kay jo imkaaN honge dar-e-mehboob se niklein to ye sochein "MANZAR" apne maskan hein kahaaN konsey weeraaN hongey

  Back to top

#15 — Muhammad Irfan Tere May-Khaanay mei peetay kaee shaitaan hoN ge HumeiN wo dekh kay kuch dair to hairan hoN ge Ajab say daur ka ik khawab dekha raat mei nay Jo dikhtay haiN sabhee ik rozz wo insaan hoN ge Khizaan kay chand pattoN kay siwaa kya hai dil mei YooNhee do chaar kuch tootay huey armaan hoN ge Sabhee toofan kabb takk raasta rokeiN ge mera Teree mehfil mei hum kuch dair kay mehmaan hoN ge Meree tabaanee-y-such hee meraa manshoor ho ga Mere ilzaam hee ikk din meree pehchan hoN ge Hawa chalnay say mitt jaatay hain har tehreer kay naqsh Naa hoN ge hum to dunyaa mei kaee Irfan hoN ge

  Back to top

Previous Winners

Copyright © 1998-2007. Mehfil-e-Mushaira. All rights reserved.