Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

COMPETITION 9   June 2005

Misra-e-Tarah: ik baat keh rahaa hooN, shikwah gilaa naheeN hai Rank Poet Pts. Location 1 Muhammad Nooruddin Mauj 84 Karachi, Sind, Pakistan 2 Muhammad Aslam Fareedi 80 Karachi, Sind, Pakistan 3 Mohammad Hidayatulla Fahmi 78 Anantapur, Andhra Pradesh, India 3 Sajid Warsi Sajid 78 Karachi, Sind, Pakistan 3 Tanwiruddin Ahmad Phool 78 Karachi, Sind, Pakistan 6 Aneela Mahmood Qarar Jafree 76 Karachi, Sind, Pakistan 7 Muhammad Munir Qasim 74 Peshawar, NWFP, Pakistan 8 Sajid Hashmi Sajid 68 Rajgarh (Biaora), MP, India 8 Yasir Farooq Yasir 68 Karachi, Sind, Pakistan 10 Jhony Penta Tashna Ahmedabadi 64 Kinshasa, Democratic Republic of Congo 11 Mona Saeed Manzar 62 Karachi, Sind, Pakistan

#1 — Muhammad Nooruddin Mauj Norr-e-khoda hai kya shai tum ko pata naheeN hai Jo phoonk sai bojhay who aisa diya naheeN hai Teri wafaoN maiN ek boo-e-wafa naheeN hai Ek baat kah raha hooN shikwah gila nahi hai Jab khilwatoN maiN aa kar kartay ho mujh sai baataiN Lagta hai tum hi tum ho aur dosra nahi hai HaiN chund phool sookhay jo chaho aao lai lo Meray chaman ka koyee pauda hara nahi hai Afsana likh raha hai woh meray hee jonoo ka Laikin kaheen bhi mera kuch tazkirah nahi hai Itna hai door mujh sai aata nahi nazar woh Laikin jo sochta hooN koch fasla nahi hai Har rung meray khooN ka rug rug main hai gooloN ki Laikin woh kah rahay haiN rung-e-wafa nahi hai Guzra thha woh bhi ek din iss dil kay rahguzar say Jis ka hai naqsh baqee ab tak mita naheeN hai Etna pata hai uski mutthee maiN meri jaan hai Mai jaanta hooN mera woh to khoda naheeN hai Meri ghazal say maana unko milee hai shohrat Mauj unka zikr Lekin maiN nay kiya naheeN hai

  Back to top

#2 — Muhammad Aslam Fareedi shaayed ke aye musaafir tu janta naheen hai duniyaan ki rahguzar main keya kuchh hua naheen hai. wo lafz gunjtaa hai maray lahoo key andar jis lafz ko kisi nay abtak sunaa naheen hai. aadab-e-zindagaani wo keya sikhaa sakay gaa jis aadmi ki hasti khud aaenaa naheen hai. saansoon main aag lagti sholaa koi to uthtaa shaayed chiraag-e-ulfat dil main jala naheen hai. aye per shikastaa taaer urnay ki koshishain kar keyon sochta hai tujh main wo hausla naheen hai. naadan hain wo jo qismat ka haal poochtay hain haalankay in lakeeron main kuchh likha naheen hai. insaan to is zameen ke badlay huay hain lakin taaray nayay naheen hain, sooraj naya naheen hai. insaaniat key khoon say daaman hai surkh jiskaa chashm-e-falak main hergiz wo paarsa naheen hai. sar per teray " fareedi " phailaa hua hai kab say keya cheez hai agar ye dast-e-duaa naheen hai

  Back to top

#3 — Mohammad Hidayatulla Fahmi sadyoN se hai shanasa chehra naya nahiN hai aayina sochTa hai chehre meN kya nahiN hai donoN jahaN meN jab ke us ke siva nahiN hai is dil ki anjuman meN bhi doosra nahiN hai aaraisheN jahaN ki le kar maiN kya karooN gar meri raza meN shamil teri raza nahiN hai chaahe kisi pe aaye jab chaahe toot jaye dil ka muamila hai meri qaTa nahiN hai is daur ke hasinoN se Tang aagaya huN nam-e-wafa nahiN hai pas-e-wafa nahiN hai dunya sawaariyega uqba sawaariyega zulfeN sawaarna hi ik mashGala nahiN hai "ruq pher kar kisi ka dil ToRna bura hai ik baat keh raha hooN shikwa gila nahiN hai" qismat meN maut jab hai aakar rahegi fahmi ilzam us pe mat do woh bewafa nahiN hai

  Back to top

#3 — Sajid Warsi Sajid AankhoN say abtalak too ojhal hoowa naheeN hai Tera pata hai lekeen mera pata naheeN hai Teri wafa maiN janaN husnay wafa nahi hai Ek baat kah raha hooN shikwa gila naheeN hai Jiskay liye lootaee upnee mataey hustee Ous say sila wafa ka mujh koo mila naheeN hai Khshhali har taraf hai sub log mootmaiN haiN Koochay mai teray shayed koyee gada naheeN hai Baysood justujoo woh karta hai ab hawa ki Ghar ka koyee daricha jis ka khula naheeN hai Toota huwa sitara girta naheeN zameeN par Mujh ko girane walae tujh ko pata naheeN hai Parwaaz ki latafat ka hal kia kahay woh Ehsaas ka parinda jiskay ura naheeN hai Rahtay haiN chshm-e-tar main sajid woh bankey aansoo Ek raaz hai yahi jo aansoo gira naheeN hai

  Back to top

#3 — Tanwiruddin Ahmad Phool Daaman hai tang apna, dunyaa mein kiya naheen hai! Ik baat kah raha hoon, shikwa gilaa naheen hai!! Kaise sukoon mile gaa, har dam rawaan hai aalam Rahvaar-e-waqt yaaro!pal bhar rukaa naheen hai! Pheeke hain saare manzar, hai chaand mein bhi zardi Bai-kaif hain nazaare woh dilrubaa naheen hai! Keya husn? ishq kaisa? dunyaa kaa rang badlaa! Dil, soaz se hain aari, rang-e-wafaa naheen hai! Suhbat sanwaarti hai, suhbat bigaarti hai! Fitrat mein apni koi hota buraa naheen hai Bemisl hai musawwir lekin hai yeh haqeeqat Faani hain naqsh saare, rang-e-baqaa naheen hai Us ko na dekh paa-aen hai aur baat yaaro! Andhere mein bhi apna saaya judaa naheen hai! Tanhaai kaa hai aalam, keya maajra sunaaon! Dil ke qareen woh aaya, aawaaz-e-paa naheen hai! Milti hai keya halaawat sheereen labon mein uske! Aai Phool!angbeen mein aaisaa mazaa naheen hai

  Back to top

#6 — Aneela Mahmood Qarar Jafree ik baat keh rahaa hooN, shikwah gilaa naheeN hai haaN zindagi sey mujhko koch bhi mila naheeN hai merey bayaN maiN talkhi halaat ki ata hai yey jhoot kaisey likhoN kay dil dukha naheeN hai paani kay mua'maley pey jhagrey ghazab Khuda ka yey arz-e-paak koi dasht-e-balaa naheeN hai chashm-e-falak say ansoo beh beh kay keh rehey hein namoos-e-ambiya kay sar per rida naheeN hai yey alaam-e-junooN aor hosh-o-khird ki baateiN daman ka chaak deikho abb tak sila naheeN hai haq baat keh kay khud ko moshkil main daal leina sach bolney ka yaan per koch bhi sila naheeN hai hai raat ka musafir aor roshni ka taalib mehtaab main jo deikho baaqi zia naheeN hai iss mausam-e-alam main dil ko "QARAAR" kiya ho dil ko sukooN khushi main laiken mila naheeN hai

  Back to top

#7 — Muhammad Munir Qasim hoon qasim-e-zia main ghar main dea nahen hay shauq-e-sukhanwari nay kuch bhi dea nahen hay gardan zadan abas hoon aye jaan mud'daa sun aansu chlak paray khud kuch bhi kaha nahen hay tayri nazar main jis say fun motabar ho mayra woh harf shaid ab tak main nay likha nahen hay bay aah-e-neem shab kuch milta nahen khuda say hum ghaflaan-e-shab ka phir kia khuda nahen hay? kuch sazgaar anjum darkaar hain jafa ko hum teera bakhtagaan ka shaywa jafa nahen hay kioun ghair ko bataain hum wajh-e-bay qaraari apna tu koi hamdam tayray siwa naheen hay taqseem-e-hasrat o gham, hay karobaar-e-"qasim" maqsoom hay yeh uss ka, qasim bura naheen hay

  Back to top

#8 — Sajid Hashmi Sajid Ek bat keh raha houn shiqwa gila nahein hai Wo gham mera nahein jo tujhse mila nahein hai Rah-e-junoon me mujhko kya kya mila nahein hai Zulm-o-sitam ka dekho kya silsila nahein hai Kuchh aur hai mohabbat kuchh aur hai ibadat Tou sirf ek sanam hai koee khuda nahein hai Mehboob mere tujhme jaise ke mein chhupa houn Tujhme mein dikh raha houn tou aaina nahein hai Tanhaiyaan mere ghar ruswaiyaan muqaddar Taqdeer se khafa houn tujhse gila nahein hai Mein houn bura ye maana aaqa mujhe bachana Koee mera muhafiz tere siwa nahein hai Hai ger qalam me taqat SAJID likho mohabbat Tou sirf aadami hai tou devta nahein hai

  Back to top

#8 — Yasir Farooq Yasir Mere kholoos ko wo peh’chanta naheeN hai Ik baat keh raha hooN shikwa gilaa naheeN hai Kerta hooN shairi ger meri khata naheeN hai Qudrat ka faisala hai meri razaa naheeN hai MaiN hooN keh muntazir hooN aaya keh ab wo aaya Wo hai keh apne gher se ab tak chalaa naheeN hai Meri gali se baadal berse baghair guzre Khush hooN gali koi aur sehra-numaa naheeN hai Kab se tumhari yadaiN aai nahiN haiN mujh ko Kab se teri gali maiN jaana howaa naheeN hai Gulshan ke baagh’banooN ! AaN’khaiN to apni kholo Ser ser chali hoi hai baad-e-sabaa naheeN hai Tum kiya karo ge darmaaN nazraiN tumhari bemaaN Aah-o-buka hamari aah-o-bukaa naheeN hai Kuch is tarah se yasir dil lag gaya hamara Tora qafas ko lekin bhaga gayaa naheeN hai

  Back to top

#10 — Jhony Penta Tashna Ahmedabadi duniyaa ki rifAtoN se koi vaastaa naheeN hai sud o ziyaa ki fikr meN dil mubtelaa naheeN hai duniyaa meri naheeN hai,uqabaa? pataa naheeN hai eak baat keh rahaa hooN, shikwah gilaa naheeN hai ay bewafaa tujhe bhi koi bewafaa milegaa aadil hai wo, sanam ye koi bad_dua naheeN hai daanaa they jitne haai wo deewaanaa ho gaye akkiswiN sadii meN kyaa kyaa huwaa naheeN hai kapaDoN ka pahennaa bhi yahaaN jurm ho gayaa kyaa hai, agar iblees kaa moAjizaa naheeN hai likhwaayaa jo kalam ne wahii maine likh diyaa 'tashna' teri hayaat ka kuch falsafaa naheeN hai

  Back to top

#11 — Mona Saeed Manzar jo panaa chaha mainey mujhko mila naheeN hai ik baat keh rahaa hooN, shikwah gilaa naheeN hai chahat say meri iss tarah na aashnaa hai wo sahra-e-dil main jaisey koi gul khila naheeN hai so zakhm lag kay kho chukey apni nishaniyaN hai dila ka zakhm aisa abb tak sila naheeN hai rah-e-wafa main bichDrey hain koch iss tarah say hum phoolooN ka khushbo'ooN se koch silsila naheeN hai ik umr ho gai hai bichDrey huey magar yadooN ka chadta suraj abb tak dhalla naheeN hai "MANZAR" wo meri zaat ko sona bana gayaa aisa jalaya ishq ney koi jala naheeN hai

  Back to top

Previous Winners

Copyright © 1998-2007. Mehfil-e-Mushaira. All rights reserved.