Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

Poetry Competition Winners

The following is the list of top 10 participants. Mehfil-e-Mushaira would like to congratulate them all.

1.	Khozema Husaini, Khandwa, M.P. India
2.	Tanwiruddin Ahmad Phool, Karachi, Pakistan
3.	Fateh ud din Bashir, Dubai, UAE
4.	Ateeq Khan Saba, Shahjahanpur, U.P., India and Naheed Virk, Madison Hgts., Michigan, USA
6.	Aneela Mahmood Qarar Jafree, Karachi, Pakistan and Syed Shiraz Mahdi Zia, Karlskrona, Blekinge, Sweden
8.	Ansar Qureshi Asar Akbar Aabaadi, Missisauga, Ontario, Canada and Mohammed Chughtai, Calgary, Alberta, Canada
10.	Faisal Farani, Scarborough, Ontario, Canada

#1 — Khozema Husaini India woh bun ke faiz ka darya kahaan nahiN guzray meri gali se hi bus mehrabaaN nahin guzray woh imtehaN mujhe dene heN androon-e-lahad meri hayat pay jo imtehaN nahiN guzray firaq-o wasl ke so waswase huye paida teray Khyal pay kiya kiya gumaaN nahiN guzray tumhari talKh kalami se pash pash he dil hamaray qalb se teer-o-sinaaN nahin guzray banaye kon mohabbat ke our kuchh shahkar ke is jahan se phir shahjahaaN nahiN guzray husaini aap ki noha gari ke kiya maa'ni jo gosh-e-yaar se aah-o-fugaaN nahiN guzray talash-e-ilm me kar surf zindagi apni husaini ek bhi pal rayegaaN nahiN guzray

  Back to top

#2 — Tanwiruddin Ahmad Phool Teri raza kay liye ham kahan naheen guzray Tere khayal mein kiya kiya guman naheen guzray Madad ki aas liye thay rah-e-musibat mein Samajhte jin ko thay ham mehrbaan naheen guzray Kaheen ghira na ho woh majma-e-raqeeban mein Chaley thay ghar se magar ham wahan naheen guzray Junoon ki raah alag hai, khirad ki raah alag Rah-e-wafa se kabhi nukta daan naheen guzray Muhafizoon ka tasallut tha qasr-e-sultaan par Sitam raseeda woh ahl-e-fughan naheen guzray Sahar kay noor se milta hai walwala dil ko Tuyoor shab mein kabhi par fishan naheen guzray Yahaan pa aamad-e-gulcheen sada rahi aay Phool Jo baghbaan thay sar-e-gulsitaan naheen guzray

  Back to top

#3 — Fateh ud din Bashir Wafaa kay baab mein woh kushtagaan naheen guzray Jo soo-e-maqtal-e-dil shadmaan naheen guzray Teri duaaon ka ik saa’ibaan raha hamraah Keh raah-e-ishq say ham bay-amaan naheen guzray Lahoo ki boond too bazm-e-junoon mein laya hay Teri nazar say abhi armughaan naheen guzray Mushaam-e-jaan say mitay kyun tasawwur-e-janaan Woh haadsay to abhi meri jaan naheen guzray Dyaar-e-shauq mein rakhna qadam, sanbhal kay Bashir Yahaan say bach kay kabhi kaarwaan naheen guzray

  Back to top

#4 — Ateeq Khan Saba Jab is taraf se mere mehrban nahin guzre woh din hayat ke mujh pe garan nahin guzre hamare peechhe hi chalte hain karwan sare hai sooni raah wohi hum jahan nahin guzre hamesha khirki ka parda sarakne lagta hai hum us gali se kabhi raayegan nahin guzre rawish rawish meri roshan hai unke jalwon se ab is taraf se koii kahkashan nahin guzre bahut dinon se hai is dil ki sooni raahguzar tumhari yadon ke bhi kaarwan nahin guzre bahut pur - amn nazar aa rahi hai yeh basti idhar se shayed abhi paasban nahin guzre chuni hai hum ne "saba" bus woh raah apne liye kabhi jahan se yeh ahl - e - jahan nahin guzre

  Back to top

#4 — Naheed Virk havaa meiN uRte huve baadbaaN naheeN guzrey barastey baadaloN ke kaarvaaN naheeN guzrey voh bad.gumaaniyoN kee parChhaa'iyoN meiN rehtaa hai udhar yaqeeN ke kabhee saa'ebaaN naheeN guzrey maiN jin kee aaNkhoN meiN sab apney khavaab rakh detee miree nigaah se voh mehrbaaN naheeN guzrey muhabbatoN ke safar meiN ye kon kehtaa hai ke dasht.e.chashm se aab.e.ravaaN naheeN guzrey? jahaaN bhee chaahey uRaa kar mujhey voh laa jaa'e sadaa kee lehr se aisey gumaaN naheeN guzrey tiree sadaa'e musalsal kee gooNj thee, phir bhee "tirey khayaal pe kyaa kyaa gumaaN naheeN guzrey" ma'e hayaat ki talkhee sabhee ke hissey meiN aa'ee jo merey jaisey thay tishna.labaaN, naheeN guzrey

  Back to top

#6 — Aneela Mahmood Qarar Jafree hujum-e-dard sey hum bey-ama.N nahin guzray tumharee ya'ad mein kab imtaha.N nahin guzray issi sabab merey dushmen bhi waar ker na sakey key unke koochey se wo raazdaa.N nahin guzray hisaar-e-za'at key qaidi huiey peshema.N kiyo.N khoshaa ay dil key woh meherbaa.N nahin guzray kabhee woh porcish-e-ahwaal aur kaheen ansoo "Teray khayaal pay kiya kiya gumaa.N nahiN guzray" yonhi baghawat-e-duniya ka jurm ker bethey bahar kia koi daur-e-khizaa.N nahin guzray woofoor-e-shauq aur uss naam key tamannai nishan-e-raah kee sooret kaha.N nahin guzray kaheen fiza'aon main nauhey kaheen yeh shehnai wojood chalnee huiey hukumraa.N nahin guzray "QARAR" ghulta raha zeher innn fiza'aon main sukoon-e-zaat key kia kia nisha.N nahin guzray

  Back to top

#6 — Syed Shiraz Mahdi Zia Teray khayaal pay kiya kiya gumaaN nahiN guzray Ye aur baat ke hokar ayaaN nahiN guzray Falak hai dil kaa munawwar hazaar daaghoN say nazar say aaj talak kehkashaaN nahiN guzray wahee yaqeen kay mausam bayaan kartay haiN ke jin ki soch say ab tak gumaaN nahiN guzray rifaaqatoN ko jo jaanaa rafeeq ki maiN nay meray hareef kay hamlay geraaN nahiN guzray na jaanay kaun saa rastaa hai jaanib-e-manzil ye jaannay ke liye hum kahaaN nahiN guzray sawaal ye hai ke raahoN meN kyooN nahiN miltay guzartay waqt to hum bay-nishaaN nahiN guzray makaan jitnay jalaanaa hai tum jalaalenaa jahaaN say koi bhee bay-aashyaaN nahiN guzray tumhaari jang andheray say hai ZIA saahab jahaaN pe tum ho,wo hargiz wahaaN nahiN guzray

  Back to top

#8 — Ansar Qureshi Asar Akbar Aabaadi Miray khayaal say aisey makaaN nahiN guzray Kay naqshe paa key Muhammad jahaaN nahiN guzray Haseen khuaab ajab haadsay khudaa ki panah Teray khyaal pay kiya kiya gumaaN nahiN guzray Yeh khaar hi tu hamesha guloN ko dustay haiN GuloN ko khaar kabhi bhi giraaN nahiN guzray Subah say shaam unhiN ki talaash kay maaray Hamunkay ishq meiN aakhir kahaan nahiN guzray kisi nay jub bhi kiyay julm aur sitam jis par Yeh such hai uskay fughaaN raegaaN nahiN guzray khudi ka haal hamaari na poocH humsay "Asar" Jahaan say guzray haiN woh hum wahaaN nahiN guzray

  Back to top

#8 — Mohammed Chughtai Tere khayal mein kya kya guman nahin guzre Rah-e-wafa mein hawadis giraan nahi guzre Jo tere husn-e-mujassam ka samna kar le Meri nigah se woh jism-o-jan nahin guzre Khuda bachai hamein muflisi ke chungal se Payambron pe bhala imtehaan nahin guzre Basi hui hain meri aankh mein teri raahein Teri talash mein janam kahan nahin guzre Mayan-i-rah ma-abid bohot nazar aye Magar kufar ke namood-o-nishan nahin guzre Dayar-e-ghair mein sehme hue se baithe hain Watan se door pareshaan kahan nahin guzre Ye jaan-e kaun sa darul-amal hai chughtai na ye zameen hai woh aasman nahin guzre

  Back to top

#10 — Faisal Farani guzashta raat bhi sub raa.igaaN naheiN guzray baras kay aaNkKh say baadal zayaaN naheiN guzray miray yaqeeN ko saNbhala wafaa.oN nay warna "tiray khayaal peh kiya kiya gumaaN naheiN guzray" junooN ki raah meiN har suu khirad kay paththar thay wafoor.e.shauq meiN laikin giraaN naheiN guzray dinoN ki gard agarcheh bohut uuRhi dil meiN qadam jo guzra tha uus kay nishaaN naheiN guzray azal say waada.e.farda ka shore hae laikin gumaaN ki raah say hum bud.gumaaN naheiN guzray

  Back to top

Copyright © 1998-2007. Mehfil-e-Mushaira. All rights reserved.