Poetry Competition #2 Winners

The winner of July/August 2004 poetry competition, based on taraH misra
"saare gile tamaam huye ik jawaab meN" is
Tanwiruddin Ahmad Phool of Karachi, Sind, Pakistan.

Tanwiruddin Ahmad Phool will receive an Urdu poetry book and an Award of Achievement from Mehfil-e-Mushaira.

The following is the list of top 10 participants. Mehfil-e-Mushaira would like to congratulate them all.

1. Tanwiruddin Ahmad Phool (70 points), Karachi, Sind, Pakistan

2. Naheed Virk (69 points), Detroit, Michigan, USA

3. Ateeq Khan Saba (68 points), Shahjahanpur, U.P., India and
Imtiyaz Sheikh Imtiyaz (68 points), Srinagar, Jammu & Kashmir, India

5. Riaz Ahmed Saraa (66 points), Lahore, Punjab, Pakistan

6. Khozema Husaini (64 points), Khandwa, MP, India and
Zeeshan Akhter Alvi Zeeshan (64 points), Rawalpindi, Punjab, Pakistan

8. Mohammed Chughtai (63 points), Calgary, Alberta, Canada and
Syed Shiraz Mahdi Zia (63 points), Karlskrona, Blekinge, Sweden

10. Amjad Nabeel (61 points), Doha, Qatar and
Syed Hassan Saleem Hassan (61 points), Herndon, VA, USA

#1 — Tanwiruddin Ahmad Phool

Click above for audio (MP3 format)
uljhi hui bashar ki nazar hai saraab mein
bedaar khud ko samjha hai, ghaafil hai khaab mein

aata hai roo-e-yaar nazar yoon hijaab mein
khursheed ki tajalli ho jaise sahaab mein

sheereen labon kay lams se uqda yeh hal hua
narmi kahaan se aayee hai barg-e-gulaab mein

tashbeeh roo-e-yaar se main doon to kis tarah
kitne ayan hain daagh rukh-e-mahtaab mein

mahram hai dil ke raaz ka har gohar-e-basar
qulzum ki dastaan nihaan hai habaab mein

chubhti hai dil mein aaj bhi asghar ki tashnagi
pinhaan hai karbala ki kasak jaam-e-aab mein

quwat hai woh jo antar-o-marhab ko kaat dey
naan-e-shaeer hai shikam-e-boo turaab mein

sajda malaaeka ne kiya is ko bil-yaqeen
insaan ki dastaan hai ummul-kitaab mein

aay phool kis ko dekh ke shabnam fana hui
tasveer kis ki hai waraq-e-aaftaab mein

  Back to top

#2 — Naheed Virk
be.shak guzar rahi hai musalsal azaab meiN
lekin ajeeb lutf hai iss iztaraab meiN

shaamil kabhii naheeN thee maiN tere nisaab meiN
par khud ko DhooNDati rahi chaahat ke baab meiN

itnii udaasiyaaN theeN basii mere chaar soo
vaapas palaT ga'ee miree ta'beer khavaab meiN

khavaaboN ke Doob jaane kii ab fikr kyaa kareN
jab Daal beiThey kashti.e.dil hum chanaab meiN

uss ne bhee dard.e.hijr muqaddar meiN likh diyaa
maiN ne bhee bhaij dii hai judaa'ee javaab meiN

  Back to top

#3 — Ateeq Khan Saba
jagi thi aarzu koi ahd-e-shabaab men
hai dard aaj bhi dil-e-khanakharaab men

eesar,pyar,mehr-o-wafa,dosti,khuloos
yeh lafz aap payenge bas ab kitaab men

masoomiuat ki di use har ek ne sanad
ilzam sare likh diye mere hisaab men

azaadi-e-watan to nahin aaphi ki den
shaamil hai khoon hamara bhi is inqilaab men

nzren jhukake dheeme se woh muskura diye
"sare gile tamaam huye ik jawaab men"

har simt be hayaee hai,makr-o-fereb hai
shayed isi liye hai yeh duniya azaab men

mumkin nahin main ghar ko salamat pahunch sakoon
huque baat kahke uttha hoon unki janaab men

nafrat ka dars dete hain bachchon ko jo Saba
Shaamil hain aaj aise sabaq bhi nisaab men

  Back to top

#3 — Imtiyaz Sheikh Imtiyaz
Girdaab hai na shor hai mojoon ka aab meN
Phaila huwa sukoot hai kitna sarab meN

Sannatay mahvi khwab thay restay meN ja baja
Aur meN bhi tha sukooti safar key azaab meN

DekheN hain tum nay khwab bohat ab to aankh khol
Tabeer dhoondtay nahin khwaboon ki khwab meN

Hai mehvi khwab rooh ki zulmat meN jo meri
Woh taiz rooshni hai kahan aaftaab meN

Lo gulsitani teergi bhi jagmaga utha
Shamil hova hai rang lahoo ka gulab meN

Lafzoon ka ikhtisaar woh asloob woh bayaN
Saaree gile tamaam huyi ik jawaab meN

Ab nakidaani fun say kaho jakay imtiyaz
Likh deN mera bhi naam tagazul kay baab meN

  Back to top

#5 — Riaz Ahmed Saraa
a'ay dost kia mila to muJHay aaj khawab meiN
aaNKooN kaa doobana rahaa shab bhar chanaab meiN

yadooN kay aaienay se muJHay lag rahaa thaa yuN
saara jahaaN ho jaisay kisi iztaraab meiN

sha'ad ho kuChh ilaaj miray gham kaa dard kaa
do jaam ho na jaaeeN shab-e-maahtaab meiN?

pooCHa ke phir milogay? to daikha jo naaz se
"saaray gile tamaam huye ik jawaab meiN"

khuboo tha hamrikaab hu'aa wo dabaa ke saath
kartay ho kia tilaash bhalaa abb gulab meiN

ulfat kay un dinooN ki tilawat hay subH-0-shaam
jaisay bayaaN ho unkaa muqaddas kitab meiN

guzray jo baNdagi meiN haqeeqat wahi faqat
baaqi tamaam umr to goyaa saraab meiN

ho chashm-e-beena koi to daikhay isay riaz
rooz-e-azal kaa raaz CHupaa hay Habaab meiN

  Back to top

#6 — Khozema Husaini
hai kyoN tu justajoo-e mah-o-aaftaab meN
ae dil hai teri aaKHri manzil turaab meN

wehdaniyat hai aisi tumharay shbaab meN
chhuptay nahiN huzoor hazaroN naqaab meN

dhhoonda tera jawaab gul-o-mahtaab meN
loTa hooN her jagah se magar lajawaab meN

KHushboo-e-zulf-e-yaar ho ya lab ki nazuki
aisi sifaat hoti kahaN heN gulaab meN

waqt-e-nazaa woh aayenge bheji hai yeh KHabar
saare gile tamaam huye ik jawaab meN

mujrim qaraar de unheN aadil bhi kis tarah
un ke gunaah darj hen meray hisaab meN

be pardgi ka koi na ilzaam de unheN
KHursheed kistarah woh chhupatay hijaab meN

likhtay hi tera naam yooN mehki meri kitaab
jaise k khil uThha ho gulistaaN kitaab meN

beKHuwabi us ke baad muqaddar bani mera
dekha he jab se chand sa chehra KHuwaab meN

mujh ko sukoon dega husaini karam ka josh
ab tak kami nahiN hai GHum-o- izteraab meN

  Back to top

#6 — Zeeshan Akhter Alvi Zeeshan
Aasoodgi bhi hai mere ranj-o-azab meiN
milta hai ik sakoon mujhey iztarab meiN

kuch aabroo-e-husn-e-qamar ka khayal ker!
mat ghoom be-naqab shab-e-maahtaab meiN

kis ko khabar thi jaaN! k yeh maasoomi'at teri
itni sitam zareef baney gi shabab meiN

ae qatila mere, tere huliye ke meiN nisaar
talwar be-niyam hai, chehra naqab meiN

jis ko ho zarf-e-mai woh behakta nahiN kabhi
kehta hai kon jaaN k nasha hai sharaab meiN

khud se siwa hai hazrat-e-waaiz ko fikr-e-ghair
hai to bas ik yehi hai kharaabi janab meiN

fikr-e-azaab meiN na jalao ab apni jaaN
saarey amal to jal gaye fikr-e-sawaab meiN

jis ko hai tang wus'at-e-arz-o-sama nadeem!
kaisey sama gaya dil-e-khana kharab meiN

aisey woh mutma'in heiN mere baad, jis tarha
ik phool rakh ke bhool gaye hooN kitaab meiN

ZeeshaN! nai nahiN hai yeh mehroomi'at teri
kis ko wafa mili hai wafa ke jawab meiN

  Back to top

#8 — Mohammed Chughtai
Shikvon ka iydehaam tha dil ki kitab mein
Saare giley tamaam huey ik jawab mein

Woh kaif woh saroor jo apni misaal tha
woh mil gaya hai aap ke husn-e-khitab mein

woh khoobian jo husn ko bakhshe dawam-e-nau
maujood hain woh khoobian saari janab mein

Aankho mein aap ke woh nasha hai janab-i-man
hasil nahin saroor woh jaam-e-sharab mein

Hooraan-i-khuld ko na mila woh jamaal-ezauq
jo zou fishan hai aap ke husn-o-shabab mein

woh ishq ka sabaq bhi mujhe yaad ho gaya
jo juzw-e-awwaleen thaa jadool-e-nisab mein

Chehre pe aik noor hai ankhon mein ik chamak
soi ho jaise hoor koi mahtaab mein

qudrat ne husn aap ko bakhsha hau bemisaal
na chand mein na chandni ki aab-0-taab mein

Laakhon naqoosh-i-rang hain aab-e-rawan ke saath
phirte hain satah-e-aab pe shakl-e-hubab mein

Almukhtasar Rashid woh husn-e-kamak hain
un ko khuda ne rakha hai dar-ul-hijaab mein

  Back to top

#8 — Syed Shiraz Mahdi Zia
Manzar ye maiN ne dekhaa thaa apnay hee khwaab meN
"Saaray gilay tamaam huay ek jawaab meN"

Kuch to ho mujhko fikr ke jaagooNgaa neend say
meraa to haal hai ke magan hooN maiN khwaab meN

Hairat hai us maqam say chashmay ubal parhay
Jisko ke dekh kar thay gumaan-e-saraab meN

TaareekiyoN meiN humnay safar itnaa tai' kiyaa
jaanay kahaaN pahunchtay agar chaltay taab meN

kartay ho behisaab sabhee par jo zulm tum
aakhir tumhaaraa hogaa kyaa yaum-ul-hisaab meN

ye baat hai yaqeenee kasaafat bhee aayegee
harkat naheeN hai baqee samandar kay aab meN

sooraj kee raushnee meiN nazar hee naheeN parhee
samjhaa gaya ZIA ko andheray ke baab meN

  Back to top

#10 — Amjad Nabeel
dekha tha unko maine kuch aisey hi khwaab meiN
tashna laboN ke vaastey paani saraab meiN

baadal ke peechey chaand lage yooN Hijaab meiN
jaise Haseen ho kisi shaair ke khwaab meiN

ranj-o-alam ke saath sahii, bas dua karo
aashiq ki beet jaaye jahaan-e-kharaab meiN

saaqi khumaar-e-ishq ke baais hooN be.qaraar
warna nashaa to tha nahin teri sharaab meiN

ifshaaye raaz-e-ishq mere saamney kia
"saarey giley tamaam huey ik javaab meiN"

dunya ke gham ke saath gham-e-yaar bhi dia
mere khuda na Daal mujhe is azaab meiN

muddat se aarzoo thi mujhe jin ki deed ki
aaye wo mere saamney lekin Hijaab meiN

ham ne kia hai aisey moHabbat ka Haq adaa
shaayad kabhi miley na vafaaoN ke baab meiN

zahid tujhe talab thi sharaab-e-tahoor ki
phir maikadey chalaa hai bataa kis Hisaab meiN?

  Back to top

#10 — Syed Hassan Saleem Hassan
Kiya kiya na soch ker gayey un ki janab main
" sarey gilay tammam huay ik jawab main"...

Ishq-o-Khired ka sath bohat door tak nahi
werna uttertee kiyon koyee "sohnee" Chanab main

Rota hai , Sheher chor kay jata bhi to nahi...
Aadat hai yeh buree tairey khana kharaab main

Mayyar hain alag to tera mera piyaar bhi...
tairey hisaab main na hi mairey hisaab main

Hum ne to rakh diyey hain Dil-o-Jann nikaal ker
kuch der to lagey gee unhain Intekhaab main

Tum se mila rahay hain na janay ussay kion log...
aisee to baat koyee nahi maahtaab main...

Dil kay muamlay ka rakha tha hassan sawaal...
Ab jaan ja rahee hai tumharey jawaab main...

  Back to top

Previous Winners

June 2004

Want to sponsor this site?
Click here

Home    Poets    Latest    Humorous    Prominent Poets    Readers' Poetry
Competition    History of Ghazal    Articles    Schedule    Reports    News
Organizations    Awards    Links    FAQs    Contribution    About    Contact    Credits