Audio Poets Latest Addition Humorous

Non Audio Prominent Poets Readers' Poetry Poetry Competition Become a Member

Essays / Papers History of Ghazal Roman Urdu

In Your Area Mushaira Schedule Reports Organizations

News & Articles

Awards

Links

FAQs

Contribution

Credits

Guest Book
View  Sign

To listen to audio clips on this site you need RealPlayer™

Copyright © 1998-2007
Mehfil-e-Mushaira
All Rights Reserved
 
No part of this site may be reproduced without permission

Legal Notice

Poetry Competition #3 Winners

Syed Shiraz Mahdi Zia will receive an Urdu poetry book and an Award of Achievement from Mehfil-e-Mushaira.

The following is the list of top participants. Mehfil-e-Mushaira would like to congratulate them all.

1.	Syed Shiraz Mahdi Zia (78 points), Karlskrona, Blekinge, Sweden
2.	Ateeq Khan Saba (74 points), Shahjahanpur, Uttar Pradesh, India and Muhammad Usman Qaiser (74 points), Orangi, Sindh, Pakistan
4.	Abdulqayyum Rajab Ali Sahil (70 points), Jeddah, Saudi Arabia, Irfan Haleem Barabankwi (70 points), Jeddah, Western Zone, Saudi Arabia, Riaz Ahmed Saraa (70 points), Lahore, Punjab, Pakistan, and Sabir Azimabadi (70 points), Landhi, Karachi, Sind, Pakistan
8.	Amjad Nabeel (68 points), Doha, Qatar
9.	Aneela Mahmood Qarar Jafree (66 points), Karachi, Sindh, Pakistan and Tanwiruddin Ahmad Phool (66 points), Karachi, Sindh, Pakistan
11.	Khozema Husaini Khandwi (64 points), Khandwa, MP, India, Muhammad Obaidullah Sagar (64 points), Orangi Town, Karachi, Sind, Pakistan and Sara Jabeen (64 points), Shiloh, Illinois, USA
14.	Jhony Penta Tashna Ahmedabadi (62 points), Ahmedabad, Gujarat, India

#1 — Syed Shiraz Mahdi Zia Sunaa hai kehtay hue maiN ne ek diwaane ko Hawaas khonaa parhegaa Hawaas paane ko Wo aadatan hee chale aaye aaj maqtal meiN ab unke jism pe hai sar naheeN kataane ko hameshaa yaar hee zehmat kiyaa naheeN karte kabhee haiN aaye adoo bhee mujhay mitaane ko maiN ek khushee hooN, zamaanaa hai gham parastoN kaa mire nah hone se raaHat huyee zamaane ko dar-e-khayaal pe dee dard ne sadaa dastak ke jab bhee dil meraa chaahaa qalam uthaane ko ghazal kee raah-e-taraqqee meiN wo rukaawat haiN jo keh rahayN haiN ghazal ishq ke fasaane ko ZIA tum apnaa qadam phooNk kar rakhnaa hai gumrahee bhee kharhee raastaa dikhaane ko

  Back to top

#2 — Ateeq Khan Saba Tula hai naqsh-e-mohabbat hi ab mitaane ko Na jaane ho gaya kya aaj kal zamaane ko Nai bala na koi aasman se toote Ki chahta hai yeh dil aaj muskraane ko Nahin hai koi jo ab aayeena dikhaye use "Mere na hone se raahat huyee zamaane ko" Watan jo lauta to paya usi ko ghair ke saath Gaya tha jiske liye door dhan kamaane ko Teri gali se barhi is qadar meri raghbat Ki bhool baitha hoon apne ghareebkhaane ko Rahi hai daaira-e-shak mein jinki zaat sada Woh aa rahe hain wafa meri aazmaane ko Bus ek chiragh-e-mohabbat "saba" jalaya tha Falak se toot paren aandhiyan bujhaane ko

  Back to top

#2 — Muhammad Usman Qaiser Kaha tha tumsay yahaN kisnay dil laganay ko Khata pay apnee na elzaam do zamanay ko Wafa samaiT kay ahl-e-wafa sudhaar ga'ay JahaN may rah ga'ay hum hi faraib khanay ko Bachalo aik diya aandhyoN may bujhnay say Bahut hai ek bhi, hazaroN diya jalanay ko Tum apnay hissay ka gham bhi mojhay hi day jao Sahonga haNs kay yeh ghum dosti nebhanay ko Jo husn ahl-e-nazar ko haya say door karay Laga do aag tum aisay nigar khanay ko WahaN hawaili may ghee kay chiragh jaltay haiN Taras rahay haiN yahaN log danay danay ko Baja'ay ghatnay kay yeh shai tu aur baRhti hai Lutao khol kay dil, elm kay khazanay ko Faraq-e-yar kay mosam mai dard kay badal Baras rahai haiN nayay zakhm-e-dil oganay ko Nishat-e-rafta ka "Qaiser" malal kiya karna Har aik shai yahaN aati hai lot janay ko

  Back to top

#4 — Abdulqayyum Rajab Ali Sahil Karenge naqsh badeewaar ham zamaane ko Qareeb kaukab-e-qismat hei jagmagane ko BaRhaa tapak se wo jou gale lagane ko HeiN beqaraar farishte bhi raaz pane ko Charaagh-e-shehr-e-tamanna nah keejiye maddham Abhi bahut hei jigar meiN lahu jalaane ko, Micaal-e-khaar khataktaa rahaa main aankhaoN meiN "Mire nah houne se raahat houi zamaane ko" Pirorahaa hooN main tasbeeH ki tarah lamhaat, Mujhe samaiT ke rakhnaa hei daane daane ko Jadeed laayiye poushaak haaye Husn-e-ghazal utaar deejiye ab is phaTe puraane ko Ridaaye Husn hei saayah figan tou naz nah kar bakhairde wo agar chaahe, taane bane ko nazar se chashm-e-zadan ko na karske aujhal Hazaar baar kahaa us ne bhool jaane ko yahaaN tou khusk nahiN houti chashm-e-tar apni Hayaat aap samajhte heiN muskurane ko Kisi ke dast-e-duAaa ne sanbhaalaa aiy :SAAHIL: Hamaari naauo wagarnah thee Dagmagane ko

  Back to top

#4 — Irfan Haleem Barabankwi Chali hei barq-e-tapaaN phir use jalaane ko, ChupaoN jaake kahaaN apne aashyane ko, Tamazat-e-rah-e-seHraa nahiN thi kam lekin, Saraab milte rahe tishnagi bujhane ko! Naseeb-e-shamA-e-firouzaaN hei raakh houjanaa, jale wo ta ba saHar teeragi miTaane ko kiya tha khosha-e-gandum ne saraa hungamah hunooz yad hei yeh waqiah zamane ko Mazeed baar-e-gham-e-ishq dil pah mat rakhiye, alam heiN zeest ke kiyaa kam mujhe uThane ko Khuloos o mehr o wafaa se houve heiN dil khaali, koiee bataaye hamaiN kiyaa houvaa zamane ko. sajake dil meiN rakhaa hei Haseen yaadaoN ko, Churaa nah le kahiN koiee mire khazane ko. Dikhaayaa moAjizah unke jameel qadmaoN ne, Iram banaadiyaa mere ghareeb khaane ko hai iltifat-e-nazar unka ghair ki janib yeh hourahi hei sharaarat mujhe sataane ko. vujood se mire naalaaN thaa wo bahut :IrfaN: "mire nah houne se raahat houvi zamaane ko."

  Back to top

#4 — Riaz Ahmed Saraa koi to gham ho muhabbat ka gham bhulaane ko kisi ke aariz-o-lab, chasm bhool jaane ko jo sooda sar meiN samaaya hai kia karooN uska keh chaahtaa hai usi mah jabeeN ke shaane ko a'jeeb wahshitaiN phaili hu'ii haiN chaaroon taraf taras ga'ae haiN yahaaN loog muskaraane ko garifa dil huN bohat sun ke naalah-o-shewan mughanni CHaiR kisi dilnasheeN taraane ko kaheeN hai vajd kaheeN raqs aur dhumaal kaheeN :maire na hone se raahat hu'ii zamaane ko: udaas ham huN to aata naheeN koi nazdeek udaas woh ho to dunia hai dil lubhaane ko khayaal aaya jo dil ki udaasiooN kaa RIAZ kuCh aaNsoo aa ga'ae palkaiN miri sajaane ko

  Back to top

#4 — Sabir Azimabadi mai kis se jake kahoon dard ke fasane ko, mera urooj na achcha laga zamane ko, jinho ne apni hansi di thi bantne ke leye, tarus rahen hain wahi log dane dane ko, hawa bhi tez hai our berq bhio chamakti hai, lachakti shakh pe rakhkho na asheyane ko, eh kaisa hadsa-e-rozgar guzra hai, raha na shahr men koi deya jalane ko, bahut hi achcha ho ke main kahen chala jaoon, mere wajood se pahuncha ha dukh zamane ko, khataen bukhsh wo dega esi tamanna men, saja raha hoon main sajdon se astane ko, na koi der na dareecha khola kisi ghar ko, batao jaoon kahan main sada lagane ko, kisi ko murid-e-elzam kaise tharaoon, mohafezon ne hi loota mere khazane ko, sekhaya teer chalane ka fun jese sabir, hadaf usi ne banaya mere thekane ko

  Back to top

#8 — Amjad Nabeel maiN beqaraar hooN ik aur zakhm khaane ko Khudaa ke vaastey aa jaa mujhe sataane ko mataa-e-jaaN hai yehii dil agar tujhe de dooN nahiiN rahe ga mire paas kuch ganvaane ko mire nadeem mire saath saath chalna tum khizar nahin hai koii raasta dikhaane ko falak se ham ne to maangi thi roshni thoRi ye bijliyaaN chaleeN kis kis ka ghar jalaane ko malaa'ika ne bataaya tha baad-e-marg mujhe "mire na hone se raahat huii zamaane ko" maiN sochta hooN tujhe choR dooN sadaa ke liye isi bahaane nayaa rang dooN fasaane ko maiN kaj.adaaii ka shikvaa karooN to kis se karooN? nahiiN hai yaar koii rooThne manaane ko

  Back to top

#9 — Aneela Mahmood Qarar Jafree aik aor uzr wo layaa mujhey sataney ko bana hai gheir ka mehmaaN mujhe jalaney ko Kisi ki yaad ney hum ko to maar hi daala Hei dil main dard siwa kia kahoN zamaney ko Shikast-o-yaas se barh ker koi hareef nahin Bana lia hei thikhanaa isi zamaney ko khizaaN bureeda shajar bhi harey huey dekho "merey na honey sey rahaat hui zamaney ko" luta hei aaj hamara bhi jaan_o-dil ka qaraar pila day jam-e-tarab saarey gham bhulaney ko

  Back to top

#9 — Tanwiruddin Ahmad Phool Barae naam hi rasm-e-wafa nibhane ko Chale bhi aao ke sabr aae is zamane ko Tule jo bathe ho tum zindagi lutane ko Kaha tha kis ne tumhein us se dil lagane ko Tumhare tarz-e-taghaful ka yeh karishma hai Mila hai ik naya unwaan is fasane ko Sitam yeh barq ka dil se bhula naheen sakte Lagai aag baharan mein aashyane ko Zabaan-e-ashk ne lamhon mein daastan kah di Raha na lab pe koi maajra sunane ko Baqadr-e-zarf na milti ho mai jahan rindo Laga do aag tum aaise sharab khane ko Hai kaarfarma yahan kis ka dast-e-naadeeda Chalaata kaun hai dunya ke karkhane ko Chaman mein ilm-o-adab kay hain aaise laal-o-guhar Na koi loot saka PHOOL is khazane ko

  Back to top

#11 — Khozema Husaini Khandwi Giri thi barq to naam-o-nishaN miTaane ko ata woh kar gai shohrat GHareeb KHaane ko Daraaz arsaa huaa hay qafas basaane ko Ab apna ghar meN samajhta hooN qaid KHaane ko Faraib KHud ko diya hay sukoon paane ko Bhulaa diya hay chaman aur aashiyaane ko Mana raha hooN qafas meN ,meN jashn-e-barbaadi Bahaana chahiye koi to muskuraane ko Shikam ki aag ne jhulsaa diya mera eemaan Zameer baich ke laya hooN aaj khaane ko Ajal ne aah-o-bukaa se najaat di mujhko Mere nah hone se raaHat huyee zamaane ko Suna nahiN hay k hay ishq aag ka darya Husaini phir bhi ho betaab dil lagaane ko

  Back to top

#11 — Muhammad Obaidullah Sagar Bara nafees sabaq day gaya zamanay ko wo aik shakhs jo aaya mujhay bachanay ko Zamin kee bhee qabahat pa ghaur kar latay chalay haiN chaand pa jo apna ghar bananay ko Wo darsgah-e-mohabbat nahiN to phir kia hai JahaN say roshni milti hai kul zamanay ko Khoda kay qahr ka shayed unhaiN nahiN idrak Jo log rayegaN kartay haiN aabo danay ko Ghanay puranay darakhtoN ko katnay walo kahaN say laogay teelee dia jalanay ko Tazaday fikro amal ka ye shakhsana hai dekha rahay haiN jo aankhaiN naye puranay ko LaboN pe mohr lagee hai sakoot ki "Sagar" MaiN muztarib hooN bohut, haley dil sunanay ko

  Back to top

#11 — Sara Jabeen chale the hum teri mehfil mein muskuraane ko ye baat ghair munasib lagi zamaane ko mizaaj'e saaz'e muhabbat mein dilkashi hai bohat nazar lage na kahin tere gungunaane ko rah'e talab mein sukooN ki talaash thi lekin mile ho tum tou faqat mera jee jalaane ko hawaa'e tund mein hum dekhte hi rehte haiN kabhi chaman ko kabhi apne aashiyaane ko chaman mein ahle chaman kyun na khush raheiN janaaN bahaar aayi hain lekin mujhe rulaane ko

  Back to top

#11 — Jhony Penta Tashna Ahmedabadi bhalaai kehte hai duniyaa mein ab sataane ko badii samajhte hai achho ke kaam aane ko lagaa hujum hai, piine ko aur pilaane ko kisi ko wakt nahin dii. ke paas jaane ko meraa hasiino ki mehfil mein koi kaam nahin main khaali dast hoon, kuch bhi nahin lootaane ko be adl ko hii yahaan raahatein samajhte hai mere na hone se raahat huyee zamaane ko jo sher kehtaa hai mujrim hai ab zamaane mein hunar samajhti hai duniyaa ghazal churaane ko ye kaise ho ki tavangar banegaa 'tashna' bhi usey na aayegaa muflis pe zulm dhaane ko

  Back to top

Previous Winners

Copyright © 1998-2007. Mehfil-e-Mushaira. All rights reserved.